قاسىم-جومارت توقايەۆ مۇحامەد ماليكي بين وسمانمەن كەزدەستى.
پرەزيدەنت قاسىم-جومارت توقايەۆ سينگاپۋر پرەمەر-مينيسترى كەڭسەسىنىڭ ءمينيسترى مۇحامەد ماليكي بين وسمانمەن كەزدەستى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى سينگاپۋردىڭ ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI سامميتىنە قاتىسۋى اوسشك ۇدەرىسىنىڭ دامۋىنا ەلەۋلى ۇلەس قوساتىنىن اتاپ ءوتتى.
قاسىم-جومارت توقايەۆ قازاقستاننىڭ اسەان-داعى ماڭىزدى سەرىكتەسى – دوستاس سينگاپۋرمەن تىعىز ىنتىماقتاستىقتى جوعارى باعالايتىنىن جەتكىزدى.
كەزدەسۋ بارىسىندا ەكىجاقتى ساۋدا-ەكونوميكالىق جانە ينۆەستيسيالىق بايلانىستاردىڭ ارتقانى اتاپ ءوتىلدى.
ءوز كەزەگىندە مۇحامەد ماليكي بين وسمان قاسىم-جومارت توقايەۆقا پرەمەر-مينيستر لي سيان لۋننىڭ ىزگى تىلەگىن جەتكىزدى. سينگاپۋر دەلەگاسياسىنىڭ باسشىسى ءوز ەلىنىڭ قازاقستانمەن ءوزارا ىس-ارەكەتتى ودان ءارى نىعايتۋعا نيەتتى ەكەنىن ايتتى.
كەزدەسۋ سوڭىندا سينگاپۋر ءمينيسترى مەملەكەت باسشىسىنا پرەزيدەنت حاليما ياكوبتىڭ سينگاپۋرعا مەملەكەتتىك ساپارمەن كەلۋگە شاقىرۋىن تاعى دا راستادى.