مەملەكەت باسشىسى ەكىباستۇزداعى جاعدايمەن تانىسقان سوڭ پاۆلودار ءوڭىرىنىڭ الەۋمەتتىك-ەكونوميكالىق دامۋى جانە ينۆەستيسيالىق تارتىمدىلىعى جونىندە مالىمەت تىڭدادى.
وبلىس اكىمى اسايىن بايحانوۆتىڭ بايانداۋىنشا، ءبىرىنشى جارتىجىلدىقتا وڭىرگە 344 ميلليارد تەڭگە ينۆەستيسيا تارتىلعان. بۇل بىلتىرعى كەزەڭمەن سالىستىرعاندا 30 پايىزعا ارتىق.
ءوڭىر باسشىسى ەكىباستۇزدا قۇنى 35 ميلليارد تەڭگە بولاتىن تەحنيكالىق كرەمنيي ءوندىرۋ زاۋىتى سالىناتىنىن ايتتى. Cونداي-اق وبلىستا EkibastuzFerroAlloys كومپانياسىنىڭ زاۋىتى ىسكە قوسىلماق. جوباعا 92 ميلليارد تەڭگە ينۆەستيسيا قۇيۋ كوزدەلىپ وتىر. سونداي-اق جوبا اياسىندا 1500-دەن استام تۇراقتى جۇمىس ورنى اشىلادى. ال تەمىرجول ماشيناسىن جاساۋ سالاسىندا RailCastSۋstems كومپانياسى ينۆەستيسيا كولەمى 78 ميلليارد تەڭگەنى قۇرايتىن ۇستالىق-بانداج ونىمدەرىن شىعارۋ كەشەنىن ىسكە قوسۋدى جوسپارلاپ وتىر.
.jpg)
وڭىردە بۇرىننان جۇمىس ىستەپ كەلە جاتقان ءبىرقاتار كاسىپورىن مەملەكەتتىك قولداۋعا يە بولدى. اتاپ ايتقاندا، «نەفتەحيم LTD» كومپانياسى تمد-دا ءبىرىنشى بولىپ ەپوكسيدتى كومپاۋند ءوندىرىسىن جولعا قويدى. «قازمۇنايحيم» ج ش س ەلىمىزدىڭ مۇناي-گاز سالاسىنا ارنالعان رەاگەنتتەر مەن قوسپالاردىڭ تولىق سيكلدى ءوندىرىسى باستالدى.
مەملەكەت باسشىسىنا Poly Metal International plc حالىقارالىق كومپانياسى قولعا العان ءىرى جوبانىڭ جۇزەگە اسىرىلۋ بارىسى جونىندە مالىمەت بەرىلدى.
جوبا اياسىندا قۇرامىندا التىنى بار 300 مىڭ توننا كونسەنتراتتى قايتا وڭدەپ، ودان 15 توننا التىن الۋ جوسپارلانعان. وندىرىسكە قۇيىلاتىن ينۆەستيسيا كولەمى – 347 ميلليارد تەڭگە.
بۇدان بولەك، پرەزيدەنتكە وڭىردەگى ەلەكتروەنەرگەتيكالىق كاسىپورىنداردىڭ تەحنيكالىق جاعدايى تۋرالى باياندالدى. وبلىس اكىمى گرەس-1 جانە گرەس-2 ەنەرگوبلوكتارىن، سونداي-اق اقسۋ قالاسىنداعى №7 ەلەكتروستانسيانى جاڭعىرتۋ جۇمىستارى 2024 جىلى اياقتالاتىنىن ايتتى.
سونىمەن قاتار اسايىن بايحانوۆ ازىق-تۇلىك ءوندىرىسىن ۇلعايتۋ پەرسپەكتيۆاسى جونىندە مالىمەت بەردى. ونىڭ ايتۋىنشا، وبلىستا ءسۇت ءوندىرىسى جانە ونى قايتا وڭدەۋ كولەمى ارتىپ كەلەدى. بيىل قوسىمشا 10 جاڭا زاماناۋي فەرما سالىنادى. وعان 30 ميلليارد تەڭگەدەن استام ينۆەستيسيا تارتىلعان.
كەزدەسۋ سوڭىندا قاسىم-جومارت توقايەۆ الەۋمەتتىك-ەكونوميكالىق دامۋ جوسپارىنىڭ ورىندالۋىن قامتاماسىز ەتۋدى جانە الەۋەتتى ينۆەستورلار تارتۋ بويىنشا جۇمىستاردى جالعاستىرۋدى تاپسىردى.