پارتيانىڭ كەزەكتەن تىس سەزىندە پرەزيدەنت قاسىم-جومارت توقايەۆ پارتيادان شىعاتىنى، سونداي-اق، وعان ءتوراعالىق ەتۋدەن باس تارتاتىنىنى تۋرالى مالىمدەدى. مەملەكەت باسشىسى ءتوراعالىقتى ءماجىلىس سپيكەرى ەرلان قوشانوۆقا تاپسىردى.
بۇعان دەيىنگى جيىنداردا دا مەملەكەت باسشىسى ەلىمىز سۋپەرپرەزيدەنتتىك بيلەۋ فورماسىنان تۇبەگەيلى الىستايتىنىن ايتقان بولاتىن. بۇگىندە سول مەسسەدج ورىندالا باستاعانىنا كۋامىز. پرەزيدەنتتىڭ ايتۋىنشا، بۇل وزگەرىس پارتيالىق-ساياسي سالانىڭ جاڭعىرۋى مەن قوعام ءرولىن ارتتىرۋعا تۇرتكى.
اتالعان شەشىمىن قاسىم-جومارت توقايەۆ بىلاي ءتۇسىندىردى: «پرەزيدەنت ەشبىر پارتياعا باسىمدىق بەرمەگەنى ءجون، ياعني ساياسي تۇرعىدان بەيتاراپ بولۋى قاجەت. بۇل – مەنىڭ ايقىن ۇستانىمىم».
پرەزيدەنت پىكىرىنشە، مۇنداي قاعيدا سايلاۋعا قاتىساتىن بارلىق كۇشتەرگە تەڭ، بىردەي مۇمكىندىك بەرەدى، سونداي-اق، ساياسي جۇيەدە ادىلدىك ورناۋىنا تۇرتكى بولادى: پارتيا اتقارۋشى بيلىككە تاۋەلدى بولماسا، وعان دەگەن حالىقتىڭ سەنىمى نىعايىپ، بەدەلى ارتادى.
سونداي-اق، مەملەكەت باسشىسى ەندىگى ۋاقىتتا سايلاۋشىلار داۋىسى ءۇشىن باسەكەلەستىك كۇشەيەتىنىن ايتتى. ساياسي پروسەستىڭ ديناميكاسى مەن مازمۇنى وزگەرەدى. پارتيالىق قوزعالىستاعى بىردەن-بىر وزگەرىس - Adal پارتياسىنىڭ Amanat-پەن بىرىككەنى.