پرەزيدەنتكە سەناتتىڭ ەلىمىزدەگى رەفورمالاردى زاڭنامالىق تۇرعىدا قامتاماسىز ەتۋ جونىندەگى جۇمىسى تۋرالى باياندالدى
قاسىم-جومارت توقايەۆقا سەناتتىڭ ەلىمىزدەگى رەفورمالاردى زاڭنامالىق تۇرعىدا قامتاماسىز ەتۋ جونىندەگى جۇمىسى تۋرالى باياندالدى، دەپ حابارلايدى Almaty-akshamy.kz اقورداعا سىلتەمە جاساپ.
پرەزيدەنتكە سەناتتىڭ ەلىمىزدەگى رەفورمالاردى زاڭنامالىق تۇرعىدا قامتاماسىز ەتۋ جونىندەگى جۇمىسى تۋرالى باياندالدى. اتاپ ايتقاندا، ادام قۇقىعى جونىندەگى ۋاكىلدىڭ، كونستيتۋسيالىق سوتتىڭ، پروكۋراتۋرانىڭ قىزمەتىن رەتتەيتىن كونستيتۋسيالىق زاڭداردىڭ جوبالارى تۋرالى ءسوز قوزعالدى.
پرەزيدەنتكە قازىرگى سەناتورلاردىڭ قاراۋىندا قاڭتار وقيعاسىنا قاتىسقان كەيبىر ازاماتتارعا راقىمشىلىق جاساۋ تۋرالى زاڭ جوباسى مەن ءۇش جىلعا ارنالعان رەسپۋبليكالىق بيۋدجەت جوباسى جاتقانى جونىندە مالىمەت بەرىلدى.
ماۋلەن اشىمبايەۆتىڭ ايتۋىنشا، مەملەكەت باسشىسىنىڭ وڭىرلەردى ودان ءارى دامىتۋعا باعىتتالعان تاپسىرمالارىنىڭ ىسكە اسىرىلۋىن قامتاماسىز ەتۋ – پالاتا جۇمىسىنىڭ نەگىزگى باسىمدىقتارىنىڭ ءبىرى.
پرەزيدەنت الەمدىك جانە ءداستۇرلى دىندەر كوشباسشىلارى سەزىنىڭ يدەيالارى مەن قورىتىندى قۇجاتىن ودان ءارى ىلگەرىلەتۋ جانە فورۋمدى دامىتۋدىڭ 2023-2033 جىلدارعا ارنالعان تۇجىرىمداماسىن ازىرلەۋ جونىندە تاپسىرما بەردى.