مەرسەدەس قارسى جولاققا شىعىپ كەتكەن
الماتىدا 26 قازاندا جول-كولىك وقيعاسى سالدارىنان Daewoo Nexia كولىگى اۋدارىلىپ قالدى. وقيعا جاندوسوۆ پەن داۋلەتوۆ كوشەلەرىنىڭ قيىلىسىندا بولدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
مەرسەدەس اۆتوكولىگىنىڭ جۇرگىزۋشىسى جاندوسوۆ كوشەسىمەن باتىس باعىتتا كەلە جاتقان. داۋلەتوۆ كوشەسىنە بۇرىلعىسى كەلگەن كولىكتىڭ ساڭىلاۋدا تۇرعانىن كەش بايقاپ، الدىڭعى كولىكپەن سوقتىعىسۋدان ساقتانۋعا تىرىسىپ، بۇيىرىنە كۇرت بۇرىلعان. سالدارىنان جۇرگىزۋشى تىزگىنگە يە بولا الماي قالدى. وسىلايشا مەرسەدەس قارسى جولاققا شىعىپ كەتكەن، Daewoo Nexia كولىگى سول جاققا قاراي كەتىپ بارا جاتقان. ەكى كولىك سوقتىعىسىپ، Nexia اۋدارىلىپ قالدى.
جول اپاتىنان ەكى جۇرگىزۋشى دە جارالانىپ، اۋرۋحاناعا جەتكىزىلدى.
وقيعا ورنىندا جول پوليسياسى جۇمىس ىستەپ جاتىر.