30 قازاندا بوكستان 32-ازيا چەمپيوناتى باستالادى، جەڭىمپازدار 13 قاراشادا بەلگىلى بولادى
30 قازاندا يوردانيادا قازاقستاندىق سپورتشىلاردىڭ قاتىسۋىمەن بوكستان ازيا چەمپيوناتى باستالادى. وسىنداي جاۋاپتى ستارتتار قارساڭىندا قازاقستان قۇراماسىنىڭ تالىمگەرلەرى اممان رينگىندە ەل نامىسىن قورعايتىن بوكسشىلاردىڭ ەسىمىن اتادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
قازاقستان بارلىق 13 سالماق دارەجەسىندە قاتىسادى. بۇل جولعى ءتىزىم بوكس جانكۇيەرلەرىنە وتە تانىمال جانە تانىس.
48 كەلى: سانجار تاشكەنباي (استانا) – جاستار اراسىنداعى الەم جانە ازيا چەمپيونى، قازاقستان-2021 چەمپيونى.
51 كەلى: ساكەن بيبوسىنوۆ (تۇركىستان وبلىسى) – 2020 جىلعى وليمپيادا ويىندارىنىڭ قولا جۇلدەگەرى جانە 2021 جىلعى الەم چەمپيونى.
54 كەلى: سابىرحان ماحمۋد (شىمكەنت) 2021 جىلعى الەم چەمپيوناتىنىڭ ءفيناليسى جانە جاستار اراسىنداعى ازيا چەمپيوناتىنىڭ بىرنەشە دۇركىن جەڭىمپازى.
57 كەلى: سەرىك تەمىرجانوۆ (پاۆلودار وبلىسى) – 2021 جىلعى الەم چەمپيوناتىنىڭ ءفيناليسى جانە جاستار اراسىنداعى ازيا چەمپيونى.
60 كەلى: ءساماتالى تولتايەۆ (ماڭعىستاۋ وبلىسى) – جاستار اراسىنداعى ازيا چەمپيونى، جاستار اراسىنداعى الەم چەمپيوناتىنىڭ ءفيناليسى جانە قازاقستان رەسپۋبليكاسى سپارتاكياداسىنىڭ چەمپيونى.
63،5 كەلى: ءساناتالى تولتايەۆ (ماڭعىستاۋ وبلىسى) – جاستار اراسىنداعى ازيا چەمپيونى جانە ازيا چەمپيوناتىنىڭ قولا جۇلدەگەرى.
67 كەلى: دۋلات بەكباۋوۆ (جامبىل وبلىسى) قازاقستان چەمپيونى.
71 كەلى: اسلانبەك شىمبەرگەنوۆ (جامبىل وبلىسى) – ازيا چەمپيونى، ازيا ويىندارىنىڭ ءفيناليسى جانە دۇنيەجۇزىلىك ارميا ويىندارىنىڭ ەكى دۇركىن جەڭىمپازى.
75 كەلى: نۇرقانات رايس (اتىراۋ وبلىسى) قازاقستان چەمپيونى.
80 كەلى: نۇربەك ورالباي (استانا) – جاستار اراسىنداعى الەم چەمپيونى جانە قازاقستان چەمپيونى.
86 كەلى: ساعىندىق توعانباي (تۇركىستان وبلىسى) – جاستار اراسىنداعى ازيانىڭ بىرنەشە دۇركىن چەمپيونى، جاستار اراسىنداعى الەم چەمپيوناتىنىڭ ءفيناليسى جانە قازاقستان چەمپيونى.
92 كەلى: ايبەك ورالباي (استانا) – جاسوسپىرىمدەر وليمپياداسىنىڭ جەڭىمپازى جانە قازاقستان چەمپيونى.
+92 كەلى: قامشىبەك قوڭقابايەۆ (قىزىلوردا وبلىسى) – 2020 جىلعى وليمپيادا ويىندارىنىڭ قولا جۇلدەگەرى جانە الەم چەمپيوناتىنىڭ ءفيناليسى.
بوكستان قازاقستاننىڭ ەرلەر قۇراماسى وسى كۇندەرى الماتى وبلىسىنىڭ تاۋ بوكتەرىندەگى وقۋ-جاتتىعۋ جيىنىن اياقتاپ، 28 قازاندا اممانعا ۇشادى.
«دايىندىق جوعارى دەڭگەيدە، ازيا چەمپيوناتى قارساڭىندا ەش قيىندىق كورگەن جوقپىز. قازاقستانداعى بوكس ءارقاشان ارنايى ەسەپتە تۇرادى. باا-دە وتكەن ازيا چەمپيوناتىندا التىننان القا تاعىنا المادىق. بۇل جولى ونىڭ ورنىن تولتىرعىمىز كەلەدى. سوندىقتان مەدالدىق ەسەپتە ءبىرىنشى كوماندالىق ورىنعا دايىندالىپ جاتىرمىز»، - دەيدى بوكستان قازاقستان رەسپۋبليكاسى ەرلەر قۇراماسىنىڭ باس باپكەرى قايرات ءساتجانوۆ.
30 قازاندا بوكستان 32-ازيا چەمپيوناتى باستالادى، جەڭىمپازدار 13 قاراشادا بەلگىلى بولادى.