پرەزيدەنت قاسىم-جومارت توقايەۆ «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ سالتاناتىندا سويلەگەن سوزىندە قازاقستاندا بيزنەس جۇرگىزۋدىڭ بۇلجىماس شارتتارىن اتادى، دەپ حابارلايدى اlmaty-akshamy.kz.
«كاسىپكەرلەردى قورعاۋدا باس پروكۋراتۋراعا، «اتامەكەن پالاتاسىنا» جانە كاسىپكەرلەردىڭ قۇقىقتارىن قورعاۋ جونىندەگى ۋاكىلگە ايرىقشا ءرول بەرىلىپ وتىر. ءوز كەزەگىندە بيزنەس تە پاراساتتى جۇمىس ىستەپ، زاڭنامانى مۇلتىكسىز ساقتاۋى كەرەك. بۇل وتە ماڭىزدى»، - دەدى مەملەكەت باسشىسى.
قاسىم-جومارت توقايەۆتىڭ ايتۋىنشا، بيزنەستىڭ پاراساتى مىنانداي ۇعىمدارمەن تىعىز بايلانىستى.
«نارىقتىق باسەكەلەستىك، تۇتىنۋشىلاردىڭ قۇقىقتارىن قورعاۋ، سالىق ادالدىعى ءبىزدىڭ ەلدە بيزنەس جۇرگىزۋدىڭ اجىراماس شارتىنا اينالۋى كەرەك»، - دەدى پرەزيدەنت.