پرەزيدەنت قاسىم-جومارت توقايەۆ پارلامەنتتىك رەفورما جونىندەگى جۇمىس توبىنىڭ ءبىرىنشى وتىرىسىندا نەگىزگى زاڭنىڭ 40-قا جۋىق بابى وزگەرەتىنىن ايتتى، - دەپ حابارلايدى aqshamnews.kz ءتىلشىسى.
"مەملەكەت باسشىسى رەتىندە مەن ءۇشىن پارلامەنت – ەلىمىزدەگى ساياسي جۇيەنىڭ نەگىزگى تىرەگى. سوندىقتان الدىمەن كونستيتۋسياعا ءبىرقاتار وزگەرىس ەنگىزۋ قاجەت بولادى.
نەگىزگى زاڭنىڭ 40-قا جۋىق بابى وزگەرەدى. سودان سوڭ كەم دەگەندە 10 كونستيتۋسيالىق زاڭعا جانە 50-دەن استام كودەكس پەن زاڭعا تۇزەتۋ ەنگىزۋ كەرەك بولادى. مۇنى جاڭا كونستيتۋسيا قابىلداۋمەن تەڭ كەلەتىن ءىس دەۋگە بولادى.
ارينە، بۇل جۇمىستىڭ ءبارىن تابان استىندا، ءبىر ساتتە جۇزەگە اسىرۋ مۇمكىن ەمەس. تىڭعىلىقتى دايىندىق كەرەك.
سوندىقتان الداعى رەفورمانىڭ كەيبىر كونسەپتۋالدى تۇستارىنا قاتىستى وي-پىكىرىمدى بىلدىرگىم كەلەدى".