پرەزيدەنت قاسىم-جومارت توقايەۆ پارلامەنتتىك رەفورما جونىندەگى جۇمىس توبىنىڭ ءبىرىنشى وتىرىسىندا e-Parlament جۇيەسى تۋرالى ايتتى، - دەپ حابارلايدى aqshamnews.kz ءتىلشىسى.
"ۇشىنشىدەن، الداعى رەفورما ەكونوميكا، الەۋمەتتىك جانە تەحنولوگيالىق دامۋ سەكىلدى باسقا دا سالالارداعى جان-جاقتى جاڭعىرۋلارمەن ۇيلەسىم تابادى. مىسالى، سيفرلاندىرۋ مەن جاساندى ينتەللەكتىنى ەنگىزۋ كۇللى الەمدەگى مەملەكەتتىك باسقارۋ جۇيەسىن وزگەرتەتىنى ءسوزسىز"، - دەدى پرەزيدەنت.
ءبىرقاتار ەلدە ءقازىردىڭ وزىندە "ەلەكترون" نەمەسە سيفرلىق پارلامەنت" ەلەمەنتتەرى سىناقتان وتكىزىلە باستادى. بۇل ازاماتتاردى ساياسي ومىرگە ارالاستىرۋدىڭ جاڭا فورمالارىن قامتاماسىز ەتىپ، زاڭ شىعارۋ ۇدەرىسىنىڭ تيىمدىلىگىن ارتتىرۋ ماقساتىندا جاسالادى.
"كەلەشەكتە بۇل ءۇردىس كۇشەيە تۇسپەك. سوندىقتان ءبىز دە وسى باعىتقا سانالى تۇردە كۇش سالامىز. الداعى ۋاقىتتا e-Parlament قازىرگى ەلەكتروندىق ۇكىمەت – e-Gov سياقتى سۇرانىسقا يە قۇرالعا اينالۋى مۇمكىن"، - دەدى مەملەكەت باسشىسى.
سول سەبەپتى ءبىر پالاتالى پارلامەنتكە ءوتۋ ءبىر ەسەپتەن جۇمىستىڭ جاڭا قالىبى مەن قارقىنىنا، تەز شەشىم قابىلداۋعا بەيىمدەلۋدى كوزدەيدى. ياعني زامان وزگەرىپ جاتىر، ول ءوز تالابىن ورىنداتادى، e-Parlament جۇيەسى قىر استىندا تۇر. جاقىندا ومىرىمىزگە دەندەپ ەنۋى مۇمكىن. سوندىقتان زاڭ قابىلداۋدا مۇلدە قاتە جىبەرۋگە بولمايدى.