پرەزيدەنت قاسىم-جومارت توقايەۆ مەملەكەتتىك كۇزەت قىزمەتىنە ءبىرقاتار قوسىمشا قۇزىرەت بەرەتىن جارلىققا قول قويدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
قازاقستان رەسپۋبليكاسى پرەزيدەنتىنىڭ جانە باسقا دا كۇزەتىلەتىن ادامداردىڭ قاۋىپسىزدىگىن قامتاماسىز ەتۋ جانە ولاردىڭ ومىرىنە، دەنساۋلىعىنا، قۇقىعىنا، بوستاندىعىنا، جەكە باسىنىڭ قادىر-قاسيەتىنە جانە مەنشىگىنە قارسى باعىتتالعان قۇقىق بۇزۋشىلىقتى انىقتاۋ، الدىن الۋ جانە جولىن كەسۋ، - دەپ جازىلعان پرەزيدەنت قول قويعان جارلىقتا.
وزگەرىسكە ساي، بۇدان بىلاي مەملەكەتتىك كۇزەت قىزمەتى مىنا فۋنكسيالاردى اتقارادى:
- مەملەكەتتىك كۇزەت قىزمەتىنىڭ باستىعى بەلگىلەگەن تارتىپتە كۇزەتىلەتىن وبەكتىلەردىڭ كۇزەتى مەن قورعانىسىن جۇزەگە اسىرادى، جاۋىنگەرلىك كەزەكشىلىكتى اتقارۋدى ۇيىمداستىرادى؛
- كۇزەت ءىس-شارالارىن وتكىزۋ ورىندارىندا كۇزەتىلەتىن ادامدار مەن وبەكتىلەردىڭ بيولوگيالىق قاۋىپسىزدىگىن قامتاماسىز ەتۋ جونىندەگى جۇمىستى ۆەدومستۆوارالىق ۇيلەستىرۋدى جانە ۇيىمداستىرۋدى جۇزەگە اسىرادى؛
- قورعانىس ونەركاسىبى جانە مەملەكەتتىك قورعانىستىق تاپسىرىس سالاسىنداعى مەملەكەتتىك ساياساتتى قۇراستىرۋعا جانە ىسكە اسىرۋعا قاتىسادى؛
- اسكەري-تەحنيكالىق ىنتىماقتاستىقتى جۇزەگە اسىرۋعا قاتىسادى؛
- جەدەل باسقارۋىندا تۇرعان قارۋ-جاراق پەن اسكەري تەحنيكانىڭ اينالىمىنا باقىلاۋدى جۇزەگە اسىرادى؛
- ق ر جەرگىلىكتى اتقارۋشى ورگاندارىمەن ءوزارا ارەكەتتەسە وتىرىپ جۇمىلدىرۋ جوسپارلارىن ورىنداۋعا دايىندىق جونىندەگى ءىس-شارالاردى وتكىزەدى؛
- اسكەري-ەكونوميكالىق جانە كوماندالىق-شتابتىق وقۋ-جاتتىعۋلارىن وتكىزۋگە قاتىسادى؛
- كۇزەتىلەتىن وبەكتىلەردىڭ تەرروريزمگە قارسى قورعالعاندىعى پاسپورتىن كەلىسەدى، ەسەبىن جۇرگىزەدى، ساقتايدى نەمەسە جويادى؛
- ايرىقشا ماقساتتاعى اۆتوموبيلدەردىڭ ءجۇرۋ قاۋىپسىزدىگىن قامتاماسىز ەتۋ ماقساتىندا استانا جانە الماتى قالالارىندا اۆتوموبيل جولدارى نەمەسە اۆتوموبيل جولدارىنىڭ جەكەلەگەن ۋچاسكەلەرى بويىنشا ولاردىڭ ءجۇرۋ جىلدامدىعى مەن مارشرۋتتارىن ايقىنداۋعا جانە وسى جولداردا كولىك قۇرالدارىنىڭ جۇرۋىنە، ايالداۋىنا جانە توقتاپ تۇرۋىنا شەكتەۋ ەنگىزۋ، جول ءجۇرىسىنىڭ باعىتىن ۋاقىتشا وزگەرتۋگە قۇقىلى؛
- ق ر مەملەكەتتىك كۇزەت قىزمەتىنىڭ، قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ، قۇقىق قورعاۋ جانە ارناۋلى مەملەكەتتىك ورگاندارىنىڭ، سونداي-اق حالىقارالىق شارتتارعا سايكەس، شەت ەلدەردىڭ ارناۋلى قىزمەتتەرىنىڭ قىزمەتكەرلەرى مەن اسكەري قىزمەتشىلەرىن قاۋىپسىزدىكتى قامتاماسىز ەتۋ سالاسىندا وقىتۋدى، دايارلاۋدى جانە قايتا دايارلاۋدى جۇزەگە اسىرۋ.
جارلىق العاش رەسمي جاريالانعاننان 10 كۇن ءوتىپ بارىپ، 3 تامىزدا كۇشىنە ەنەدى.