قۇرىلىس ماتەريالدارى ەكسپورتىنىڭ كولەمى 44%-عا ارتىپ، 100،1 ملن دوللارعا جەتتى
بيىلعى قاڭتار-مامىر ارالىعىندا قازاقستاننىڭ قۇرىلىس ماتەريالدارى نارىعىندا ايتارلىقتاي وزگەرىس بايقالادى. نارىقتاعى قاراجات اينالىمى 606،6 ملرد تەڭگەگە جەتىپ، وتاندىق تاۋار وندىرۋشىلەردىڭ ۇلەسى 67%-عا دەيىن ۇلعايدى، دەپ حابارلايدى Almaty-akshamy.kz.
بۇل 2022 جىلداعى كورسەتكىشپەن سالىستىرعاندا 5%-عا كوپ. وسى رەتتە يمپورتتىق ءونىمنىڭ ۇلەسى 33%-عا دەيىن ازايعانىن ايتا كەتەيىك.
قۇرىلىسقا ارنالعان ءونىم ءوندىرىسىنىڭ ارتۋى وتقا ءتوزىمدى بۇيىمدار (+6،4% - دان 112 مىڭ تونناعا دەيىن)، كەراميكالىق (وتقا ءتوزىمسىز)كىرپىشتەر (+37،6% - دان 816 مىڭ تەكشە مەترگە دەيىن)، سيليكات جانە قوج كىرپىشتەرى (+3،8% - دان 454 مىڭ تونناعا دەيىن)، قۇرىلىس ەرىتىندىلەرى (+8،7% - دان 718% - عا دەيىن) سىندى تاۋارلار مەنتاباق شىنى (7،1 ملرد تەڭگە)، سەمەنتتەن، بەتوننان نەمەسە جاساندى تاستان جاسالعان پليتكالار، كىرپىشتەر جانە ۇقساس بۇيىمداردىڭ (+6،5% - دان 2،2 ملن تونناعا دەيىن) ءوسىمىنە بايلانىستى تىركەلدى.
سونداي-اق ءوندىرىس قارقىنىنا قۇرىلىس جۇمىستارىنىڭ ۇلعايۋى اسەر ەتتى. قاڭتار-مامىر ايلارىندا ونىڭ كورسەتكىشى 12،1%-عا استى. بۇلءبىرىنشى كەزەكتە عيماراتتار (+17،9%) مەن قۇرىلىس نىساندارىن (+14،7%) سالۋ مەن جوندەۋگە بايلانىستى. قۇرىلىس-مونتاج جۇمىستارىنىڭ اقشالاي كولەمدەگى ءمانى 1 312،9 ملرد تەڭگەگە جەتتى. سونىمەن قاتار پايدالانۋعا بەرىلگەن تۇرعىن ءۇيدىڭ جالپى اۋدانى 15،4%-عا ءوستى (5 470،3 مىڭ شارشى مەتر).
ايتا كەتۋ كەرەك، ءوتو-دىڭ سەرپىندى جۇمىسىقۇرىلىس ماتەريالدارى سالاسىنداعى جالپى ءوندىرىس كولەمىنىڭ 16%-عا وسۋىنە اسەر ەتىپ، قاراجات مولشەرى 451،5 ملرد تەڭگەگە جەتتى. سونىمەن بىرگە قازاقستاندىق ۇلەستىڭ ايتارلىقتاي نىعايۋى ەكسپورت كولەمىنىڭ 44%-عا ارتۋىنا جاعىمدى اسەر ەتكەنىن اتاپ وتكەن ءجون.
ماسەلەن، وزبەكستانعا (6 108،5 تونناعا دەيىن) جانە تاجىكستانعا (2 396،7 تونناعا دەيىن) تاباق شىنى (8،5 مىڭ تونناعا دەيىن)، قۇبىرلار، تۇتىكتەر مەن قۇبىرشەكتەر (شلانگ)، سونداي-اق وتقا ءتوزىمدى سەمەنتتەر، قۇرىلىس ەرىتىندىلەرى (13 تونناعا دەيىن مىڭ توننا) تاسىمالدانعان.