مەملەكەت باسشىسى ەلىمىزدىڭ مەديسينا قىزمەتكەرلەرىن كاسىبي مەرەكەسىمەن قۇتتىقتادى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنىڭ رەسمي سايتىنا سىلتەمە جاساپ.
«قۇرمەتتى مەديسينا قىزمەتكەرلەرى! بارشاڭىزدى كاسىبي مەرەكەلەرىڭىزبەن شىن جۇرەكتەن قۇتتىقتايمىن! سىزدەر حالىقتىڭ دەنساۋلىعىن جاقسارتىپ، ۇلت ساپاسىن ارتتىرۋعا زور ۇلەس قوسىپ كەلەسىزدەر. قازاقستاندا مەديسينا ماماندارىنىڭ مارتەبەسى مەن بەدەلى جوعارى بولۋ ءۇشىن بارلىق جاعداي جاسالۋدا. مەملەكەت دەنساۋلىق ساقتاۋ سالاسىنا ءاردايىم ايرىقشا كوڭىل بولەدى. كوپتەگەن زاماناۋي ەمدەۋ ورىندارىنىڭ سالىنۋى، بىلىكتى مامانداردى دايارلاۋعا بولىنەتىن گرانت سانىنىڭ كوبەيۋى، وسى سالا قىزمەتكەرلەرىنە الەۋمەتتىك قولداۋ كورسەتىلۋى - سونىڭ ايقىن دالەلى. تۇپتەپ كەلگەندە، مۇنىڭ ءبارى سالاۋاتتى قوعام قالىپتاستىرۋعا ىقپال ەتەدى. سىزدەر سىندارلى ساتتەردە ءوز مىندەتتەرىڭىزدى ابىرويمەن اتقارىپ، ەل سەنىمىن اقتاي بىلدىڭىزدەر. بارشاڭىزعا قاجىرلى ەڭبەكتەرىڭىز ءۇشىن شىنايى ريزاشىلىعىمدى بىلدىرەمىن.
سىزدەرگە اماندىق، باق-بەرەكە تىلەيمىن!»،-دەلىنگەن پرەزيدەنتتىڭ قۇتتىقتاۋىندا.