شىعىس قازاقستان وبلىسىنىڭ جاڭا اكىمى تاعايىندالدى

وبلىستى 9 جىل باسقارعان دانيال احمەتوۆ قىزمەتىنەن بوسادى.

مەملەكەت باسشىسىنىڭ جارلىعىمەن ەرمەك بەدەلباي ۇلى كوشەربايەۆ شىعىس قازاقستان وبلىسىنىڭ اكىمى بولىپ تاعايىندالدى، دەپ حابارلايدى Almaty-akshamy.kz اقورداعا سىلتەمە جاساپ.

ول قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى لاۋازىمىنان بوساتىلدى.

ەرمەك بەدەلباي ۇلى كوشەربايەۆ 1965 جىلى الماتى قالاسىندا تۋعان. س.م.كيروۆ اتىنداعى قازاق مەملەكەتتىك ۋنيۆەرسيتەتىن، كسرو سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن.

ەڭبەك جولىن:  1988 جىلى قازاق كسر سىرتقى ىستەر مينيسترلىگىندە اعا ينسپەكتور بولىپ باستاعان.  1989-1994 جىلدار ارالىعىندا اتالعان مينيسترلىكتە ءارتۇرلى لاۋازىمداردا ەڭبەك ەتكەن.  

1994–1996 جىلدارى قازاقستان رەسپۋبليكاسى پرەزيدەنتى اپپاراتىنىڭ حالىقارالىق ءبولىمىنىڭ كونسۋلتانتى، پرەزيدەنتتىڭ پروتوكولدىق قىزمەتىنىڭ باسشىسى بولعان.  

1996–1997 جىلدارى قازاقستان رەسپۋبليكاسىنىڭ شۆەيساريا كونفەدەراسياسىنداعى ەلشىلىگىنىڭ ءبىرىنشى حاتشىسى، سىرتىق ىستەر مينيسترلىگى كوپجاقتى ىنتىماقتاستىق دەپارتامەنتىنىڭ ءبولىم باستىعى لاۋازىمدارىن اتقارعان.  

1997–1999 جىلدارى قازاقستان رەسپۋبليكاسى پرەمەر-مينيسترىنىڭ كومەكشىسى بولعان.  

2000–2010 جىلدارى كوممەرسيالىق قۇرىلىمداردا باسشىلىق قىزمەتتەردە جۇمىس ىستەگەن.

2010–2014 جىلدارى شىعىس قازاقستان وبلىسى اكىمىنىڭ ورىنباسارى، ءبىرىنشى ورىنباسارى بولعان.

2014-2018 جىلدارى اۋىل شارۋاشىلىعى ءمينيسترىنىڭ ورىنباسارى، اۋىل شارۋاشىلىعى مينيسترلىگىنىڭ جاۋاپتى حاتشىسى لاۋازىمدارىندا قىزمەت ەتكەن.  

2018–2020 جىلدار ارالىعىندا سىرتقى ىستەر مينيسترلىگىنىڭ جاۋاپتى حاتشىسى، سىرتقى ىستەر ءمينيسترىنىڭ ورىنباسارى لاۋازىمدارىن اتقارعان.  

2020 جىلعى قاڭتاردان باستاپ قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى.  

«ەرەن ەڭبەگى ءۇشىن» مەدالىمەن، «قۇرمەت» وردەنىمەن ماراپاتتالعان. توتەنشە جانە وكىلەتتى ەلشى ديپلوماتيالىق دارەجەسى بار.