بەلگىسىز بىرەۋ اقش پرەزيدەنتى دجو بايدەن كورتەجىندەگى كولىكتەردىڭ ءبىرىن قاعىپ كەتتى. مەملەكەت باسشىسىندا ءبارى جاقسى. بۇل تۋرالى اق ءۇيدىڭ باسپا ءسوز قىزمەتى حابار تاراتقان، دەپ حابارلايدى almaty-akshamy.kz Kazinform عا سىلتەمە جاساپ.
پرەزيدەنت كورتەجىنىڭ جول تالعامايتىن كولىگىن مەملەكەت باسشىسى جۇبايى دجيلل بايدەنمەن ۋيلمينگتون ورتالىعىنداعى (دەلاۆەر شتاتى) دەموكراتيالىق شتابتان شىققان كەزدە بەلگىسىز بىرەۋ قاعىپ كەتتى.
- قاتتى سوققى ەستىلگەن كەزدە اقش پرەزيدەنتى كولىكتىڭ جانىندا تۇردى، - دەپ جازدى جۋرناليستەر.
اقش قۇپيا قىزمەتىنىڭ اگەنتتەرى اپاتقا جاۋاپتى كولىكتى تەز قورشاپ الىپ، جۇرگىزۋشىگە قارۋ كەزەنگەن، ول بىردەن قولىن كوتەردى.
اپات الدىندا بايدەن باق-تىڭ بۇرىنعى پرەزيدەنت دونالد ترامپقا قاتىستى ساۋالدارىنا جاۋاپ بەرگەن.