اقش-تىڭ جاڭادان سايلانعان پرەزيدەنتى قاتىگەزدىكپەن كىسى ولتىرۋشىلەر مەن جىنىستىق زورلىق جاساعاندار ءۇشىن ءولىم جازاسىن ەنگىزۋدى كوزدەيتىنىن مالىمدەدى، دەپ حابارلايدى aqshamnews.kz
«يناۋگۋراسيام وتكەن بويدا، مەن ادىلەت مينيسترلىگىنە امەريكاندىق وتباسىلاردى كىسى ولتىرۋشىلەر مەن قۇبىجىقتاردان قورعاۋ ءۇشىن ءولىم جازاسىن قاتاڭ تۇردە تالاپ ەتۋ تۋرالى نۇسقاۋ بەرەمىن»، — دەپ جازدى ساياساتكەر ءوز الەۋمەتتىك جەلىسى Truth Social-دا.
ونىڭ پىكىرىنشە، مۇنداي قاتاڭ شارالار اقش-تى قايتادان «زاڭ مەن ءتارتىپ ەلىنە» اينالدىرادى.
بۇعان دەيىن قازىرگى پرەزيدەنت دجو بايدەن 37 سوتتالۋشىعا كەسىلگەن ءولىم جازاسىن جەڭىلدەتىپ، ونى شارتتى تۇردە مەرزىمىنەن بۇرىن بوساتۋ قۇقىعىنسىز ءومىر بويى باس بوستاندىعىنان ايىرۋ جازاسىنا اۋىستىرعان ەدى. ترامپ بۇل شەشىمدى قيسىنسىز دەپ ساناپ، ونىڭ قۇربانداردىڭ وتباسىلارىنا مورالدىق زيان تيگىزەتىنىن ايتتى.
بايدەن فەدەرالدى دەڭگەيدە ءولىم جازاسىن قولدانۋعا قارسى بولعان. دەگەنمەن، قازىرگى ۋاقىتتا اقش-تىڭ 27 شتاتىندا مۇنداي جازاعا رۇقسات ەتىلگەن.