پرەزيدەنتكە ۆەدومستۆونىڭ قازىرگى قىزمەتى مەن جۇمىس جوسپارى جونىندە باياندالدى. جاسلان مادييەۆتىڭ ايتۋىنشا، مەملەكەتتىك باسقارۋدى جانە باسقا دا سالالاردى سيفرلىق ترانسفورماسيالاۋ ءۇشىن ينستيتۋسيونالدىق بازا قالىپتاسقان.
رەينجينيرينگ مىندەتتەمەسى زاڭ جۇزىندە بەكىتىلىپ، 600-دەن استام بيزنەس-پروسەسس قايتا قارالعان. سونداي-اق GovTech پلاتفورمالىق ءتاسىلى ارقىلى سيفرلىق ترانسفورماسيالاۋ ۇدەرىسى باستالعان.
قاسىم-جومارت توقايەۆقا جاساندى ينتەللەكتىنى ەنگىزۋ، سونداي-اق AI-driven government ەكوجۇيەسىن قالىپتاستىرۋ جولدارى جونىندە مالىمەت بەرىلدى.
سونىمەن قاتار مەملەكەت باسشىسىنا وتاندىق IT-كومپانيالاردىڭ ەكسپورت نارىقتارىنا شىعۋ پەرسپەكتيۆاسى تۋرالى باياندالدى.
كەزدەسۋ سوڭىندا پرەزيدەنت مەملەكەتتىك باسقارۋ ءىسىن ساپالى تۇردە سيفرلاندىرۋ، حالىقارالىق IT-الپاۋىتتارمەن ىنتىماقتاستىقتى جانداندىرۋ جانە ەكونوميكانىڭ ءتۇرلى سەكتورىندا جاساندى ينتەللەكتىنى ودان ءارى دامىتۋ جونىندە ءبىرقاتار تاپسىرما بەردى.