وسى جىلدىڭ 1 اقپانىنان باستاپ #ءانشۋاق حەشتەگىمەن 13 مىڭنان استام بەينە جاريالانىم جانە 12 ميلليونعا جۋىق قارالىم جينالدى، دەپ حابارلايدى almaty-akshamy.kz
فەستيۆالدىڭ ماقساتى - وسكەلەڭ ۇرپاقتى ءداستۇرلى تاريحي، رۋحاني، مادەني قۇندىلىقتار نەگىزىندە ادامگەرشىلىك پەن ازاماتتىلىققا تاربيەلەۋ.
«فەستيۆال اياسىندا ەلىمىزدىڭ بارلىق وڭىرلەرىندە تانىمال كومپوزيتورلارمەن كەزدەسۋلەر وتكىزىلۋدە. مۇندا جاس ورىنداۋشىلار ءوز يدەيالارىمەن بولىسۋگە، شىعارماشىلىق پروسەستىڭ قۇپيالارىن بىلۋگە، كاسىپقويلاردىڭ جەتەكشىلىگىمەن شىڭدالۋعا مۇمكىندىك الادى»، - دەيدى «رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعى» رمقك ديرەكتورى رايسا شەر.
رەسپۋبليكالىق قازىلار القاسى قازاق تىلىندەگى ەڭ تانىمال 20 بالالار ءانىن انىقتادى: «وتان»، «ۇستازىم»، «اياۋلى انا»، «وقىپ، ءبىلىپ ۇيرەنەمىز» «مەن قازاقتىڭ قىزىمىن»، «انا دەپ ءان سالامىن»، «ءبىز وتاننىڭ ۇلانىمىز»، «تاۋەلسىز ەل ۇرانى»، «اتا-اجە»، «بىرلىگىمىز جاراسقانداي»، «كەرەك بىزگە تىنىشتىق»، «ءۇش باقىتىم»، «بىرلىكتىڭ تۋى»، «ءتاتتى»، «قازاقستانىم»، «تۋعان ەل» «دومبىرا»، «الاقاي»، «ەگەمەن ەل – قازاقستان»، «ەرتەگىلەر».
ايتا كەتۋ كەرەك، 1 ماۋسىمدا ەلىمىزدىڭ ءار وڭىرىندە Open Air فورماتىندا كونسەرتتەر وتكىزىلىپ، وسى تانىمال اندەر ورىندالادى.