بۇل تۋرالى اقوردادان ءمالىم ەتتى
ق ر پرەزيدەنتى قاسىم-جومارت توقايەۆتىڭ جارلىقتارىمەن ءۇش جاڭا ەلشى تاعايىندالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اتاپ ايتقاندا، تولەجان تۇرسىن ۇلى بارلىبايەۆ قازاقستان رەسپۋبليكاسىنىڭ سلوۆاك رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى. ول قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان، قازاقستان رەسپۋبليكاسىنىڭ بوسنيا جانە گەرسەگوۆيناداعى، چەرنوگورياداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى؛
التاي يبراگيم ۇلى ابيبۋللايەۆ قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى؛
المات داكىباي ۇلى ايداربەكوۆ قازاقستان رەسپۋبليكاسىنىڭ مولدوۆا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.