پرەزيدەنت قاسىم-جومارت توقايەۆ جاپونيا پرەمەر-مينيسترى فۋميو كيشيداعا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى قاسىم-جومارت توقايەۆ جاپونيانىڭ بۇرىنعى پرەمەر-مينيسترى سيندزو ابەنىڭ قاستاندىق ارەكەت سالدارىنان قازا بولعانى تۋرالى سۋىت حاباردى تەرەڭ كۇيزەلىسپەن قابىلدادى.
«الەم جۇرتشىلىعى سيندزو ابەنى ەلىنىڭ دامۋى مەن باياندى بولاشاعى ءۇشىن ۇزاق جىلدار بويى قاجىرلى قىزمەت ەتكەن كورنەكتى ساياساتكەر، حالىقارالىق تۇراقتىلىق پەن قاۋىپسىزدىكتى نىعايتۋعا سۇبەلى ۇلەس قوسقان پاراساتتى كوشباسشى دەپ بىلەدى. سيندزو ابەنىڭ جارقىن بەينەسى قازاقستان حالقىنىڭ جادىندا قازاق-جاپون اراسىنداعى دوستىق پەن سەنىمدى بەكەمدەي تۇسكەن تۇلعا، سان قىرلى ىنتىماقتاستىقتى نىعايتۋعا زور ەڭبەك سىڭىرگەن مەملەكەت قايراتكەرى رەتىندە ماڭگى ساقتالادى. قازاقستان حالقىنىڭ جانە جەكە ءوز اتىمنان مارقۇمنىڭ وتباسى مەن تۋعان-تۋىستارىنا، سونداي-اق بارشا وتانداستارىڭىزعا قايعىرا كوڭىل ايتامىن»، - دەلىنگەن جەدەلحاتتا.