سكۆەردىڭ اۋماعىندا كۇردەلى جوندەۋ جۇمىستارى 15 جىلدان استام ۋاقىت بويى جۇرگىزىلمەگەن. قازىرگى ۋاقىتتا الاڭ قاراۋسىز قالعان كۇيدە كورىنەدى:
- ساياباقتىڭ ۇلكەن اۋماعىندا تۇنگى ۋاقىتتا جارىق جوق؛
- تروتۋارلاردىڭ توسەمى قاناعاتتانارلىقسىز جاعدايدا، سىنعان، كەي جەرلەردە ەلەۋلى ولقىلىقتار ورىن العان؛
- گازوندار تاپتالىپ، بۇكىل اۋماقتىڭ ءشوبى جويىلعان؛
- سۋارۋ جۇيەسى ىستەن شىققان ؛
- شاعىن ساۋلەت پىشىندەرى، ورىندىقتار، ۋرنالار جانە ت.ب. قاناعاتتانعىسىز جاعدايدا.
سونىمەن قاتار وقۋشىلار سارايىنىڭ جانىنداعى سكۆەر ق ر "تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى" زاڭىمەن قورعالادى. سكۆەردىڭ اۋماعى رەسمي تۇردە الماتى قالاسىنىڭ تاريحي-مادەني مۇرا وبەكتىلەرىنىڭ، ەسكەرتكىشتەردىڭ قورعاۋ ايماعىنا، قۇرىلىس سالۋدى رەتتەۋ ايماعىنا جانە قورعالاتىن تابيعي لاندشافت ايماعىنا كىرەدى.
سكۆەردى قايتا قۇرۋدىڭ اعىمداعى جوباسى 2021 جىلى ازىرلەندى. اياقتالۋ مەرزىمى - 2022 جىلعى 30 قاراشا. سكۆەردىڭ جالپى الاڭى - 5 گا.2021 جىلعى جەلتوقساندا "EC ENERGY Qazaqstan"ج ش س مەردىگەرلىك ۇيىمىمەن ءتيىستى شارت جاسالدى.
ساياباقتى رەكونسترۋكسيالاۋ ونىڭ باستاپقى كەلبەتىن وزگەرتۋدى قاراستىرمايدى. اسفالت توسەمىمەن اۋىستىرۋ جازعى كەزەڭدە اسفالت جابىنىنىڭ تەز قىزۋىنا بايلانىستى جۇرگىزىلەدى، بۇل تۇرعىندارعا ىڭعايسىزدىق تۋعىزادى. جوندەۋ جۇمىستارى جۇرگىزىلگەننەن كەيىن ۋاقىتشا بولشەكتەلگەن گرانيت جابىندارى مەن قابىرعالار ەسكەرتكىشتەردىڭ اينالاسىندا جانە ورتالىق اللەيانىڭ بويىندا قايتا ورناتىلادى.
جوبادا قاراستىرىلاتىنى:
- قولدانىستاعى اۋماقتى حالىقتىڭ ءتۇرلى جاستاعى توپتارىنا ارنالعان كوپبەيىندى كەڭىستىك رەتىندە قايتا قۇرۋ. سونداي-اق مۇمكىندىگى شەكتەۋلى جاندار ءۇشىن جاياۋ جۇرگىنشىلەر ينفراقۇرىلىمىن جاقسارتۋ؛
- بۇرىننان بار سۋارۋ جۇيەسىن قالپىنا كەلتىرۋ؛
- كەشكى ۋاقىتتا سكۆەردىڭ قاۋىپسىزدىگىن قامتاماسىز ەتۋ ءۇشىن سىرتقى جارىقتاندىرۋ جۇيەسىن ازىرلەۋ؛
- جاڭبىر جاۋعان كەزدە اۋماقتى سۋ باسۋىنا جول بەرمەۋ ماقساتىندا سۋ بۇرۋ جۇيەسىن ازىرلەۋ؛
- اۋماقتا بالالار شىعارماشىلىعىنا ارنالعان الاڭداردى، ءتۇرلى شاعىن ساۋلەت پىشىندەرىن، ويىن توبەلەرىن، ۇستەل ويىندارىنا ارنالعان الاڭداردى، شاعىن امفيتەاتردى جاساۋ قاراستىرىلعان.
جوبادا سكۆەردىڭ قۇرىلىمىن وزگەرتۋ، ساۋ اعاشتاردى كەسۋ قاراستىرىلماعان. جوبا سكۆەردى ساقتاۋعا جانە ونىڭ فۋنكسيونالدىق جاعدايىن قولداۋعا باعىتتالعان. سونداي-اق، جوبا جۇرتشىلىقپەن بىرنەشە رەت تالقىلانعانىن، زاڭنامادا بەلگىلەنگەن تارتىپپەن رەسمي قوعامدىق تىڭداۋلار وكەن بولاتىن. جوبا ۆنيەۆەدومستۆالىق كەشەندى ساراپتامانىڭ وڭ قورىتىندىسىن الدى جانە بەكىتىلگەن تەحنيكالىق-ەكونوميكالىق كورسەتكىشتەرمەن ىسكە اسىرۋعا ۇسىنىلدى.
ەسكە سالساق، رەكونسترۋكسيالاۋ بويىنشا العاشقى جوبا 2018 جىلى ازىرلەنگەن بولاتىن. جوبا شىن مانىندە جاسىل جەلەكتەردى كەسۋ جانە الاڭنىڭ باستاپقى كەلبەتىن وزگەرتۋ بويىنشا كوپتەگەن جۇمىستاردى قامتىدى. وسىعان بايلانىستى اعاشتاردى جانە سكۆەردىڭ باستاپقى كەلبەتىن ساقتاي وتىرىپ، قايتا ساراپتاما جۇرگىزىلدى.
- ينتەرنەتتە اقاۋلى گرانيت شەكارالارىنىڭ بەينەلەرى پايدا بولۋدا. جۇمىستى تەكسەرۋ بارىسىندا باسقارما ماماندارى بولشەكتەۋ كەزىندە گرانيت جيەكتەرىنىڭ زاقىمدانۋ فاكتىسىن انىقتادى.
وسىعان بايلانىستى مەردىگەر ۇيىمعا قاتىستى اباتتاندىرۋ ەرەجەلەرىن بۇزعانى ءۇشىن اكىمشىلىك جازالاۋ شارالارى قابىلداندى.
ايتا كەتەرلىگى، وقۋشىلار سارايىنىڭ جانىنداعى سكۆەردە جوندەۋ جۇمىستارى جۇرگىزىلگەننەن كەيىن ۋاقىتشا بولشەكتەلگەن گرانيت جيەكتاستارى مەن قابىرعا ارالىقتارى ەسكەرتكىشتەردىڭ اينالاسىنا جانە ورتالىق اللەيانىڭ بويىنا قايتا ورناتىلادى، - دەدى الماتى قالاسى ەكولوگيا جانە قورشاعان ورتا باسقارماسىنىڭ باسشىسى سەرىك ادىلبايەۆ.