قاسىم-جومارت توقايەۆ بوكستان WBO تۇجىرىمى بويىنشا الەم چەمپيونى اتانعان جانىبەك ءالىمحانۇلىن قۇتتىقتادى.
مەملەكەت باسشىسى الەمدىك دەڭگەيدە شارشى الاڭ شەبەرى اتانعان بوكسشىلارىمىز از ەمەس ەكەنىن، قازاقستان بوكس مەكتەبىنىڭ ابىرويىن اسقاقتاتۋعا جانىبەك ءالىمحان ۇلىنىڭ دا زور ۇلەس قوسىپ كەلە جاتقانىن اتاپ ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قاجىرلى ەڭبەگىڭىز بەن مۇقالماس ەرىك-جىگەرىڭىزدىڭ ارقاسىندا قازاقتىڭ بوكس ءستيلىنىڭ ۇستەمدىگىن تاعى ءبىر رەت پاش ەتتىڭىز. بۇل ايتۋلى جەتىستىگىڭىز جاس ورەندەرىمىزدىڭ سپورتقا، اسىرەسە بوكسقا دەگەن قىزىعۋشىلىعىن ارتتىراتىنى ءسوزسىز. ۇلكەن سپورتتاعى ءار قادامىڭىز – ولار ءۇشىن ۇلگى-ونەگە. سىزگە زور دەنساۋلىق، وتباسىڭىزعا اماندىق، سپورتتا تولاعاي تابىستار تىلەيمىن!» – دەپ جازىلعان مەملەكەت باسشىسىنىڭ قۇتتىقتاۋ جەدەلحاتىندا.
ەسكە سالا كەتەيىك، بۇگىن جانىبەك ءالىمحان ۇلى ورتا سالماقتا WBO-دىڭ تولىققاندى الەم چەمپيونى اتانعان ەدى.
دۇنيەجۇزىلىك بوكس ۇيىمى (WBO) رەسمي قاۋلى شىعاردى، وندا قازاقستاندىق بوكسشى جانىبەك ءالىمحانۇلىن ورتا سالماقتاعى WBO-دىڭ تولىققاندى الەم چەمپيونى دەپ جاريالانعان.