كونستيتۋسيا كۇنى قارساڭىندا ەل وڭىرلەرىندە مەملەكەتتىك قىزمەتكە العاش قابىلدانعان قىزمەتشىلەر رەسمي تۇردە انت بەردى.
مەرەكە قارساڭىندا 160-تان استام مەملەكەتتىك قىزمەتشى قازاقستان كونستيتۋسياسى مەن زاڭدارىن ساقتاۋعا، حالىققا ادال ءارى كاسىبي قىزمەت ەتۋگە سالتاناتتى جاعدايدا انت بەردى. انت قابىلداعانداردىڭ 137ء-سى مەملەكەتتىك قىزمەتتە ەڭبەك جولىن جاڭادان باستاعان 30 جاسقا دەيىنگى جاس ماماندار، دەپ حابارلايدى Almaty-akshamy.kz قازاقپاراتقا سىلتەمە جاساپ.
انت بەرۋ راسىمدەرى مەملەكەتتىك قىزمەت ىستەرى اگەنتتىگىنىڭ باستاماسىمەن ۇيىمداستىرىلدى.
مەملەكەتتىك قىزمەت تۋرالى زاڭناماعا سايكەس مەملەكەتتىك قىزمەتشىنىڭ نەگىزگى مىندەتتەرىنىڭ ءبىرى - انت بەرۋ.
اتاپ ءوتۋ كەرەك، بيىلعى 1 شىلدەدەگى جاعداي بويىنشا مەملەكەتتىك قىزمەتتە 30 جاسقا دەيىنگى 15 مىڭنان استام ازامات ەڭبەك ەتەدى، ونىڭ ىشىندە 1300-دەن استامى باسشىلىق لاۋازىمداردا قىزمەت اتقارادى.