جاڭا وقۋ جىلى بارىسىندا ۇستازداردىڭ ريەۆاكسيناسيادان ءوتۋى جالعاسادى.
بۇل تۋرالى وقۋ-اعارتۋ ءبىرىنشى ۆيسە-مينيسترى شولپان كارينوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«پەداگوگتەردى جۇمىسقا قابىلداۋدىڭ جاڭا ەرەجەسى بيىل بەكىتىلدى. ءقازىر مۇعالىمدەر وسى ەرەجە بويىنشا كونكۋرستىق نەگىزدە جۇمىسقا قابىلدانىپ جاتىر. نەگىزگى قويىلاتىن تالاپتار - ءمۇعالىمنىڭ ءبىلىم، ەڭبەك ءوتىلى، ۇلتتىق بىلىكتىلىك تەستىلەۋ ناتيجەسى جانە بىلىكتىلىك ساناتى، كاسىبي جەتىستىكتەرى بولادى»، - دەدى ول ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
سپيكەردىڭ اتاپ وتۋىنشە، مەكتەپ ديرەكتورلارىن روتاسيالاۋ جالعاسىپ جاتىر.
2022 جىلى 1 200-دەن استام ديرەكتور روتاسيالاۋعا سايكەس كەلەدى. بۇگىندە ونىڭ 400-دەن استامى روتاسيادان ءوتتى.
«جاڭا وقۋ جىلىندا مۇعالىمدەردىڭ ريەۆاكسيناسيادان ءوتۋى جالعاسادى. بۇگىندە مۇعالىمدەردىڭ 80 پايىزى قايتا ۆاكسينا الدى»، - دەدى شولپان كارينوۆا.