مەملەكەت باسشىسى استانا قالاسى شاحمات فەدەراسياسىنىڭ قۇرمەتتى پرەزيدەنتى دينارا ءسادۋاقاسوۆانى قابىلدادى.
پرەزيدەنت قاسىم-جومارت توقايەۆ پەن شاحماتتان ايەلدەر اراسىندا حالىقارالىق گروسسمەيستەر دينارا ءسادۋاقاسوۆا ەلىمىزدە شاحماتتى دامىتۋ جونىندە پىكىر الماستى، دەپ حابارلايدى اlmaty-akshamy.kz اقورداعا سىلتەمە جاساپ.
مەملەكەت باسشىسىنا دينارا ءسادۋاقاسوۆا ەلىمىزدە شاحماتتىڭ تانىمالدىلىعىن ارتتىرۋ ءۇشىن اتقارىلىپ جاتقان جۇمىستار جانە كەلەشەكتەگى جوسپارى جونىندە باياندادى. ونىڭ ايتۋىنشا، بالالار اراسىندا شەبەرلىك ساعاتتارى مەن كۆاليفيكاسيالىق تۋرنيرلەر ۇدايى ۇيىمداستىرىلىپ تۇرادى. پرەزيدەنت دينارا ءسادۋاقاسوۆانى بىلتىر جىل سوڭىندا الماتىدا وتكەن الەم چەمپيوناتىندا شاحماتتىڭ راپيد تۇرىنەن كۇمىس مەدالعا قول جەتكىزۋىمەن تاعى دا قۇتتىقتاپ، شاحماتشىلارعا مەملەكەت تاراپىنان جان-جاقتى قولداۋ كورسەتىلەتىنىن اتاپ ءوتتى. سونداي-اق قاسىم-جومارت توقايەۆ بەلگىلى شاحماتشىعا الداعى جارىستاردا ساتتىلىك تىلەدى.