جۇڭگو مەن رەسەي ەلشىلەرى قاسىم-جومارت توقايەۆتىڭ قابىلداۋىندا بولدى.
مەملەكەت باسشىسى رەسەي فەدەراسياسىنىڭ ەلشىسى الەكسەي بوروداۆكينمەن اڭگىمەلەسۋ بارىسىندا پرەزيدەنت ۆلاديمير ءپۋتيننىڭ قازاقستانعا الداعى ساپارىنىڭ، سونداي-اق بيىل كۇزدە قوستانايدا وتەتىن XIX ءوڭىرارالىق ىنتىماقتاستىق فورۋمىن وتكىزۋدىڭ ماڭىزدىلىعىن اتاپ ءوتتى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
بۇدان بولەك، قازاقستان مەن رەسەي اراسىنداعى جان-جاقتى ستراتەگيالىق سەرىكتەستىكتىڭ قازىرگى جاي-كۇيى مەن پەرسپەكتيۆالارى تالقىلاندى.
جۇڭگو حالىق رەسپۋبليكاسىنىڭ قازاقستانداعى ەلشىسى چجان سياومەن كەزدەسۋدە بيىل مامىر ايىندا سيان قالاسىندا وتەتىن «ورتالىق ازيا + جۇڭگو» ءسامميتىنىڭ جانە پرەزيدەنت قاسىم-جومارت توقايەۆتىڭ قحر-عا جوسپارلانعان مەملەكەتتىك ساپارىنىڭ وزەكتىلىگى ءسوز بولدى.
سونداي-اق ەكىجاقتى قاتىناستاردى ودان ءارى نىعايتۋ، ەكونوميكالىق، ينۆەستيسيالىق جانە مادەني-گۋمانيتارلىق بايلانىستاردى كەڭەيتۋ ماڭىزدى ەكەنىنە نازار اۋدارىلدى.
مەملەكەت باسشىسى جۇڭگو ءتوراعاسى سي ءسزينپيننىڭ ۋكرايناعا قاتىستى جاعدايدى ساياسي تۇرعىدا رەتتەۋ جونىندەگى بىتىمگەرشىلىك ارەكەتىنە جوعارى باعا بەردى.