ق ر پرەزيدەنتى قاسىم-جومارت توقايەۆ بيزنەستى وتاندىق جوعارى وقۋ ورىندارىن قامقورلىققا الۋعا شاقىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«وندىرىسكە سالىم سالۋ، عىلىم مەن بىلىمدە ساپالى جۇمىس ورىندارىن قۇرۋ مىندەتتى تۇردە ءوزىن ءوزى اقتايدى. ءبىز دە سونىمەن اينالىسۋىمىز قاجەت»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.
وسى ورايدا ق ر پرەزيدەنتى بيزنەسمەندەردى وتاندىق جوعارى وقۋ ورىندارىن قامقورلىققا الۋعا شاقىردى.
«ماسەلەن، بىلىكتى كادرلاردىڭ، اسىرەسە، تەحنيكالىق مامانداردىڭ جوقتىعىنا شاعىمدانعاننىڭ ورنىنا ءىرى بيزنەس كوللەدجدەردى قامقورلىققا الىپ، ولاردىڭ قامقورشىلىق كەڭەسىنە كىرىپ، جاستاردى تاجىريبەگە نەگە الماسقا؟ زەرتحانالار مەن شەبەرحانالاردى جابدىقتاماسقا؟ بۇل باعىتتا جۇمىس ىستەپ جاتقان جەكەلەگەن كورپوراسيالاردىڭ بار ەكەندىگىن بىلەمىن. دەگەنمەن، مۇنى جاپپاي جولعا قويۋ كەرەك»، - دەدى قاسىم-جومارت توقايەۆ.