تارتىپسىزدىكتەر ناتيجەسىندە شوب-كە كەلتىرىلگەن مۇلىكتىك زالالدى وتەۋ سوت ساراپتاماسىنىڭ قورىتىندىسى نەگىزىندە دە، جەڭىلدەتىلگەن مەحانيزم بويىنشا دا جۇرگىزىلەدى، دەپ مالىمدەدى الماتى وڭىرلىك كوممۋنيكاسيالار قىزمەتىنىڭ ونلاين-بريفينگىندە قالالىق كاسىپكەرلەر پالاتاسىنىڭ ديرەكتورى ايتۋار قوشمامبەتوۆ.
ونىڭ ايتۋىنشا، ءبىرىنشى جانە ەكىنشى جاعدايدا دا وتىنىمگە ءوتىنىش بەرۋشىنىڭ جەكە باسىن راستايتىن قۇجاتتار، زاڭدى تۇلعانىڭ تىركەلۋى، مەنشىك قۇقىعى، مۇلىكتى ساقتاندىرۋ شارتىنىڭ جوقتىعى تۋرالى ءوتىنىش، جىلجىمايتىن مۇلىككە قۇجاتتار، فوتو جانە بەينەماتەريالدار قوسا بەرىلۋى قاجەت.
ءبىرىنشى جاعدايدا عيماراتتار، كولىك، جابدىقتار جانە تمق بويىنشا سوت ساراپتاماسىنىڭ قورىتىندىسى نەگىزىندە وتەۋ سوماسىن ەسەپتەۋ سوت ساراپتاماسىنىڭ قورىتىندىسى نەگىزىندە جۇرگىزىلەتىن بولادى. مۇلىكتىڭ بارلىق تۇرلەرى بويىنشا بەلگىلى ءبىر وتەماقى شەگىندە زالالدى وتەۋگە تالاپ ەتۋ قۇقىعىن مەملەكەتكە بەرۋ تۋرالى، سونداي-اق ۇرلانعان، تابىلعان مۇلىكتى مەملەكەت مەنشىگىنە بەرۋدەن باس تارتۋ جانە بەرۋ تۋرالى جازباشا ءوتىنىشتىڭ بولۋى مىندەتتى.
«ەگەر كاسىپكەر ۇرلانعان تمق قۇنىن سوت ساراپتاماسىنىڭ قورىتىندىسى نەگىزىندە ورتاشا ايلىق اينالىمعا، باعالاۋ ناتيجەلەرى مەن شىعىستار سمەتاسىنا سايكەس وتەۋمەن كەلىسپەسە، وعان بەلگىلى ءبىر وتەماقى شەگىندە زالالدى وتەۋگە تالاپ ەتۋ قۇقىعىن مەملەكەتكە بەرۋ تۋرالى، سونداي-اق قىلمىستىق ءىستى تەرگەۋ شەڭبەرىندە تابىلعان جانە الىپ قويىلعان ۇرلانعان مۇلىكتى مەملەكەت مەنشىگىنە بەرۋدەن باس تارتۋ جانە بەرۋ تۋرالى قوسىمشا جازباشا ءوتىنىش بەرۋ قاجەت بولادى. جىلجىمايتىن مۇلىكتى وتەۋ ءۇشىن ق ر قك شەڭبەرىندە سوت-قۇرىلىس ساراپتاماسىنىڭ قورىتىندىسى، زاقىمدالعان كولىك، جابدىق جانە تمق بويىنشا – زالال سوماسىن ايقىنداۋ بويىنشا سوت-بۋحگالتەرلىك نەمەسە سوت-تاۋارتانۋ ساراپتاماسىنىڭ قورىتىندىسى تالاپ ەتىلەدى»، - دەپ ءتۇسىندىردى سپيكەر.
جەڭىلدەتىلگەن تەتىك بويىنشا عيماراتتارعا وتەم سوماسىن ەسەپتەۋ تەحنيكالىق تەكسەرۋ اكتىسى، اقاۋلى ۆەدوموست جانە قالپىنا كەلتىرۋگە ارنالعان شىعىستار سمەتاسى نەگىزىندە، كولىك پەن جابدىققا – باعالاۋ تۋرالى ەسەپ نەگىزىندە، تمق-عا - ورتاشا ايلىق اينالىم بويىنشا مكك مالىمەتتەرى نەگىزىندە جۇرگىزىلەدى.
ايتۋار قوشمامبەتوۆ سوت ساراپتاماسىن جۇرگىزبەي، زارداپ شەككەن شوب سۋبەكتىلەرىنە زالالدى جەدەل وتەۋ ءۇشىن قۇجاتتار پاكەتىن جيناۋ كەرەكتىگىن ايتتى: مۇلىك يەسىن زارداپ شەككەن دەپ تانۋ تۋرالى قاۋلىنىڭ كوشىرمەسى، جك ءۇشىن – جەكە كۋالىگىنىڭ كوشىرمەسى، جك تالونى، زاڭدى تۇلعانى تىركەۋ تۋرالى قۇجاتتىڭ كوشىرمەسى، كاسىپكەردىڭ قۇجاتتاردىڭ دۇرىستىعىنا جاۋاپكەرشىلىك تۋرالى ەسكەرتىلگەنى تۋرالى جازباشا حابارلاماسى، مۇلىك يەسىنىڭ مۇلىك ساقتاندىرىلماعانى تۋرالى ءوتىنىشى، ال شارت بولعان كەزدە – ەلەكتروندىق كوشىرمەسى.
جىلجىمايتىن مۇلىك ءۇشىن زالالعا قوسىمشا: جىلجىمايتىن مۇلىككە تەحپاسپورت، جىلجىمايتىن مۇلىكتىڭ جوق (بار) ەكەندىگى تۋرالى انىقتاما، قول قويىلعان جانە مورلەرمەن راستالعان اقاۋلى ۆەدوموست، شىعىستار سمەتاسى، باعالاۋ ساراپشىلارىنىڭ نەمەسە زالالدى ايقىنداۋعا تارتىلاتىن وزگە دە تۇلعالاردىڭ قىلمىستىق جاۋاپتىلىق تۋرالى ەسكەرتىلگەنى تۋرالى جازباشا حابارلاماسى، جىلجىمايتىن مۇلىك يەسىنىڭ ەركىن نىسانداعى جازباشا ءوتىنىشى قاجەت.
بۇلىنگەن كولىك پەن جابدىق ءۇشىن زالالدى وتەۋگە سونداي-اق بۇلىنگەن نەمەسە جويىلعان جىلجىمالى مۇلىكتى باعالاۋ تۋرالى ەسەپ، مۇلىككە مەنشىك قۇقىعىن راستايتىن قۇجاتتار، باعالاۋ ساراپشىلارىنىڭ نەمەسە زالالدى ايقىنداۋعا تارتىلاتىن وزگە دە تۇلعالاردىڭ قىلمىستىق جاۋاپتىلىق تۋرالى ەسكەرتىلگەنى تۋرالى جازباشا حابارلاماسى، كولىك قۇرالىن تولىق ساقتاندىرۋ شارتىنىڭ جوقتىعى تۋرالى جازباشا راستاۋ تالاپ ەتىلەدى.
تمق بويىنشا زالالدى وتەۋ ءۇشىن سوڭعى جىلداعى اينالىم سومالارى تۋرالى مەملەكەتتىك كىرىس ورگاندارىنان مالىمەتتەر سۇراۋعا جانە الۋعا قوسىمشا كەلىسىم قاجەت.