الماتى اكىمى باقىتجان ساعىنتايەۆ جۇمىس ساپارى كەزىندە تۇراقتاندىرۋ قورىنداعى، كوۆيدتىك گوسپيتالدارداعى جانە قالانىڭ ءدارىحانا جەلىسىندەگى دارىلىك پرەپاراتتار قورلارىن تەكسەردى، دەپ حابارلايدى اlmaty-akshamy.kz
جالپى، دارىلىك زاتتارمەن جانە مەديسينالىق ماقساتتاعى بۇيىمدارمەن قامتاماسىز ەتىلۋ جاعدايى تۇراقتى. بۇل تۋرالى قالا اكىمىنە قالالىق تۇراقتاندىرۋ قورىنىڭ رەزەرۆتەرى ورنالاسقان «مەدسەرۆيس پليۋس» ءدارىحانا قويمالارىن ارالاۋ بارىسىندا باياندالدى.
بۇگىندە قالانىڭ تۇراقتاندىرۋ قورىندا 56 سۇرانىسقا يە 389 مىڭ دانا كوروناۆيرۋسقا قارسى دارى-دارمەك جانە ەڭ كوپ سۇرانىسقا يە ءۇش اتاۋدان 7 840 مىڭ دانا مەديسينالىق ماقساتتاعى بۇيىمدار بار. ازايتىلمايتىن ۇسىنىس 2 ايعا ەسەپتەلەدى.
«INKAR» جانە «كفك مەدسەرۆيس پليۋس» سياقتى ءىرى جەتكىزۋشىلەردە 7،69 ملن بىرلىك انتيكوۆيدتى پرەپاراتتار بار. ءدارىحانالاردا – 1،3 ميلليون قاجەتتى ءدارى.
سونداي-اق، قالا اكىمى ب. ساعىنتايەۆ انتيكوۆيدتى گوسپيتالداردا دارى-دارمەكتەرمەن قامتاماسىز ەتىلۋىمەن تانىستى. وندا سانيتارلىق-ەپيدەميولوگيالىق جاعداي كۇرت ناشارلاپ، اۋرۋحاناعا جاتقىزىلعاندار سانى ارتقان جاعدايدا قاجەتتى دارى-دارمەكتەر قورى قۇرىلدى.
جالپى، قالا ستاسيونارلارىندا 1 849 مىڭ دارى-دارمەك بار، 1 072 مىڭ بىرلىك جەتكىزىلەدى دەپ كۇتىلۋدە. ەمحانالاردا 198 مىڭ دارى-دارمەك، 285 مىڭ بىرلىك دارى-دارمەك كەلەدى دەپ كۇتىلۋدە.
باقىتجان ساعىنتايەۆ سونداي-اق ينفۋزياعا ارنالعان «ناتريي ءحلوريدى» ەرىتىندىسىنىڭ بار-جوعىن تەكسەردى. تۇراقتاندىرۋ قورىنىڭ قويمالارىندا 80 مىڭ بىرلىك «200 مل» تۇزدى ەرىتىندى بار. بۇدان باسقا، «مەدسەرۆيس پليۋس» جانە «امانات» جەتكىزۋشىلەرىندە 17،1 مىڭ بىرلىك «400 مل» بار.
«ورتالىق ءدارىحانا» جانە «ءدارىحانا پليۋس» سياقتى ءىرى ءدارىحانا جەلىلەرىندە 0،9% ناتريي ءحلوريدى ەرىتىندىسىنىڭ بارلىق تۇرلەرى جەتكىلىكتى مولشەردە بار. التى ءىرى ءدارىحانا جەلىلەرىنىڭ قويمالارىندا «ا-دان يا-عا دەيىن»، «فارماكوم»، «مەليسسا»، «سادىحان پرەمۋم»، «گاۋحار تاس»، «اقنيەت» 61،2 مىڭ بىرلىك تۇزدى ەرىتىندى بار.
