الماتىدا ۇستەل تەننيسىنەن جاستار مەن جاسوسپىرىمدەر اراسىنداعى رەسپۋبليكالىق تۋرنير ءوتتى.
بۇل جارىستىڭ ەرەكشەلىگى - كىل مىقتىلار قاتىستى. قازاقستان رەيتينگىنىڭ الدىڭعى وندىعىنا كىرگەن ۇل-قىزدار عانا ونەر كورسەتۋگە مۇمكىندىك الدى، دەپ حابارلايدى Almaty-akshamy.kz.
ناتيجەسىندە، 18 جاسقا دەيىنگىلەر اراسىندا ەلوردالىق تيموفەي گەراسيمەنكو الدىنا جان سالماي، جەڭىمپاز اتاندى. ول 14 ويىننىڭ 11-ىندە جەڭىسكە جەتتى. ۇزدىك ۇشتىكتى الماتى مەن قاراعاندى سپورتشىلارى تۇيىندەدى. قىزدار اراسىندا تاعى ءبىر قاراعاندىلىق جانەركە كوشكىمبايەۆا توپ جاردى. ايتا كەتۋ كەرەك، كۇمىس پەن قولا دا ءدال وسى ءوڭىردىڭ وكىلدەرىنە بۇيىردى.
ال 15 جاسقا دەيىنگىلەر باسەكەسىندە شىمكەنتتىك قاسىم نۇريسلام مەن استانالىق ەليزاۆەتا لاۆروۆا ءبىرىنشى ورىن الدى. قاسىم 15 كەزدەسۋدىڭ بارىعىندا جەڭىسكە جەتسە، ەليزابەتا 14-ىندە قارسىلاسىنان باسىم ءتۇستى. ەندى ۇزدىك تەننيسشىلەردەن ۇلتتىق قۇراما جاساقتالىپ، الداعى حالىقارالىق جارىستارعا دايىندىقتى باستايدى.