قازاقستان پرەزيدەنتى قاسىم-جومارت توقايەۆتىڭ جارلىعىمەن استانا، الماتى جانە ەكى وبلىستىڭ سوتىندا كادرلىق وزگەرىستەر جاسالدى، دەپ حابارلايدى Almaty-akshamy.kz Inbusiness.kz-كە سىلتەمە جاساپ.
"الماتى بويىنشا: بوستاندىق اۋدانىنىڭ № 2 اۋداندىق سوتىنىڭ سۋدياسى – سىرلىبايەۆ قانات قادىر ۇلى تارتىپتىك تەرىس قىلىق جاساعانى ءۇشىن سۋديانى قىزمەتىنەن بوساتۋ قاجەت ەكەنى تۋرالى سوت القاسىنىڭ شەشىمى بويىنشا؛
قىزىلوردا وبلىسى بويىنشا: مامانداندىرىلعان اۋدانارالىق ەكونوميكالىق سوتىنىڭ سۋدياسى – بەكمامبەتوۆ عالىمجان ۆاحيت ۇلى تارتىپتىك تەرىس قىلىق جاساعانى ءۇشىن قىزمەتىنەن بوساتۋ تۋرالى سوت القاسىنىڭ شەشىمىمەن لاۋازىمىنان بوساتىلسىن”،- دەلىنگەن پرەزيدەنت جارلىعىندا.
قوستاناي وبلىستىق سوتىنىڭ ءتوراعاسى – سمولين اناتوليي سەرگەيەۆيچ وتستاۆكاعا كەتۋىنە بايلانىستى؛
استانا قالاسى كامەلەتكە تولماعاندار جونىندەگى مامانداندىرىلعان اۋدانارالىق سوتىنىڭ سۋدياسى -كابيدەنوۆا دينارا حاكيموۆنا باسقا جۇمىسقا اۋىسۋىنا بايلانىستى لاۋازىمدارىنان بوساتىلدى.
قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى-قىدىربەك قورعانبەك ۇلى الحوجايەۆ قايتىس بولۋىنا بايلانىستى، لاۋازىمى بوساتىلدى.
“استانا قالاسى بويىنشا: مامانداندىرىلعان اۋدانارالىق اكىمشىلىك سوتى – مارلەن ماليمگەرەي ۇلى بەكەتوۆ؛ اقتوبە وبلىسى بويىنشا: اقتوبە قالاسى سوتى – مارال مىرزاحمەت قىزى وماروۆا سۋديا لاۋازىمىنا تاعايىندالسىن"، - دەلىنگەن توقايەۆتىڭ جارلىعىندا.