بۇل تۋرالى ۇكىمەت وتىرىسىندا ءمالىم بولدى.
ق ر پرەمەر-مينيسترى ءاليحان سمايىلوۆ ۇكىمەتتىڭ كەڭەيتىلگەن وتىرىسىندا پرەزيدەنتتىڭ قاڭتار وقيعاسىنان كەيىن بەرگەن تاپسىرمالارىنىڭ ورىندالۋ بارىسى تۋرالى باياندادى، دەپ حابارلايدى Almaty-akshamy.kz
«قاڭتار ايىندا بولعان قايعىلى وقيعالار ەلىمىزدىڭ الەۋمەتتىك-ەكونوميكالىق دامۋ جوسپارىنا تۇزەتۋلەر ەنگىزدى. الەۋمەتتىك-ەكونميكالىق جانە قوعامدىق-ساياسي جاعدايدى تۇراقتاندىرۋ ماقساتىندا وسى جىلدىڭ باسىنان باستاپ ءسىز ۇكىمەتكە شۇعىل جانە جۇيەلى 108 تاپسىرما بەردىڭىز. بۇگىنگى تاڭدا 44 تاپسىرما ورىندالدى»، - دەدى ءاليحان سمايىلوۆ.
ونىڭ سوزىنە قاراعاندا، بۇگىندە الەۋمەتتىك-ەكونوميكالىق جاعدايدى تۇراقتاندىرۋ جونىندەگى جەدەل ءىس-جوسپار اياسىندا ەلدىڭ بارلىق ايماقتارىندا قوعامدىق ءتارتىپ قالپىنا كەلتىرىلگەن.
«كوممۋنالدىق قىزمەتتەردىڭ باعالارى مەن تاريفتەرىنىڭ وسۋىنە جارتى جىلعا موراتوريي ەنگىزىلدى. جانار-جاعارمايعا جانە گازعا شەكتى باعالار بەلگىلەندى. ۇكىمەت جانىنداعى وتاندىق كاسىپكەرلەر كەڭەسى قۇرىلدى. ۋتيليزاسيالىق الىمدار مەملەكەتكە بەرىلدى. 100 پايىز مەملەكەتتىك ۇيىم «جاسىل دامۋ» اكسيونەرلىك قوعامى جاۋاپتى وپەراتور بولىپ ايقىندالدى»، - دەدى ۇكىمەت باسشىسى.