ق ر پرەمەر-مينيسترى ءاليحان سمايىلوۆ ۇكىمەتتىڭ كەڭەيتىلگەن وتىرىسىندا وتكەن جىلدىڭ الەۋمەتتىك-ەكونوميكالىق كورسەتكىشتەرى تۋرالى مالىمەت بەردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«2021 جىلعى الەۋمەتتىك-ەكونوميكالىق دامۋ قورىتىندىسى بويىنشا، جالپى ىشكى ءونىمنىڭ ءوسىمى 4 پروسەنتتى قۇرادى. تۇراقتى ەكونوميكالىق ءوسىمنىڭ نەگىزگى فاكتورى ناقتى سەكتور بولدى. ونەركاسىپ ءونىمىنىڭ كولەمى 8،38 پروسەنتكە جەتتى. تاۋ-كەن ونەركاسىبىن ەسەپكە الماعاندا، نەگىزگى ەكونوميكاعا سالعان ينۆەستيسيالار 9،5 پايىزعا ۇلعايدى. تىكەلەي شەتەلدىك ينۆەستيسيالار وتكەن جىلدىڭ 9 ايىندا شامامەن 50 پايىزعا ءوسىپ، 18،8 ملرد دوللاردى قۇرادى»، - دەدى ۇكىمەت باسشىسى.
ونىڭ ايتۋىنشا، 11 ايدىڭ قورىتىندىسى بويىنشا، سىرتقى ساۋدا مەن ينۆەستيسيا تارتۋ سالاسىندا ءبىراز ءوسىم بايقالعان.
«سونداي-اق وتكەن جىلدىڭ 11 ايىنىڭ قورىتىندىسى بويىنشا، سىرتقى ساۋدا اينالىمى 15،4 پروسەنت ءوسىپ، 91،4 ملرد دوللارعا جەتتى. ال تاۋارلار ەكسپورتى 25 پروسەنتكە ارتىپ، 54،5 ملرد دوللاردى قۇراسا، يمپورت كولەمى 4،2 پروسەنت ءوسىپ، شامامەن 37 ملرد دوللار بولدى»، - دەدى ءاليحان سمايىلوۆ.