تۇرىكمەنستان پرەزيدەنتى گۋربانگۋلى بەردىمۇحامەدوۆ جالعىز ۇلىنا احالتەكە جىلقىسىن سىيعا تارتتى.
تۇرىكمەنستان پرەزيدەنتى جالعىز ۇلىنا ەلدىڭ بارلىق جىلقى وسىرۋشىلەرى اتىنان سىيعا تارتىلعان حانكەرۆەن ەسىمدى ءۇش جاسار احالتەكە سايگۇلىكتى سىيعا تارتتى، دەپ حابارلايدى Almaty-akshamy.kz Centralasian.org. cايتىنا سىلتەمەلەپ.
سونىمەن بىرگە گۋربانگۋلى بەردىمۋحامەدوۆ ءوزىنىڭ سوزىمەن ايتقاندا «تەرەڭ ماعىناسى بار» جانە قاسيەتتىلىكتى، تىرشىلىكتىڭ جالعاسىن بىلدىرەتىن ايعىر اتاۋىنىڭ ماعىناسى تۋرالى ايتتى.
«كوپتەگەن عاسىرلار بۇرىن ءبىزدىڭ جەرلەرىمىزدەن وتكەن كەرۋەندەر تىزبەگى سياقتى، ۋاقىت پەن ۇرپاقتى بايلانىستىرا وتىرىپ، حالىقتىڭ كەرەمەت داستۇرلەرى جالعاسسىن».
پرەزيدەنت بەردىمۇحامەدوۆ بۇل سىيلىقتى 6 ماۋسىمدا پرەزيدەنتتىك "احالتەكە" ات سپورتى كەشەنىنە بارعان كەزدە جاسادى. جانۋار تۇرىكمەن باسشىسىنا ءساۋىردىڭ سوڭعى جەكسەنبىسىندە اتالىپ وتەتىن احالتەكە جىلقىسى كۇنى مەن تۇرىكمەن الابايى كۇنىن تويلاۋ كەزىندە ەلدىڭ جىلقى وسىرۋشىلەرى اتىنان سىيعا تارتىلدى.
«سىيلىقتى اكەدەن بالاعا بەرۋ سيمۆولدىق ءراسىم تۇرىندە ءوتتى. Tدح مەملەكەتتىك اقپاراتتىق اگەنتتىگىنىڭ حابارلاۋىنشا، سەردار بەردىمۇحامەدوۆ شاباندوزدىڭ مەرەكەلىك كيىمىمەن بىرگە ۇلت كوشباسشىسىنا جىلقى اكەلگەن. وسىدان كەيىن پرەزيدەنت احالتەكە جىلقىلارىن ءوسىرۋ حالىقارالىق قاۋىمداستىعى مەن حالىقارالىق «تۇرىكمەن الاباي» قاۋىمداستىعىنىڭ باسشىسى رەتىندە سىيعا تارتامىن. اتتىڭ اياعى مىقتى، ساۋىرى قۋاتتى بولسا، ۇستىندەگى ادامنىڭ ءوزى داڭققا بولەنەدى »، - دەپ ۇلىنا جەتكىزدى.
پرەمەر-مينيستردىڭ ورىنباسارى سەردار بەردىمۇحامەدوۆ «تۇرىكمەن الاباي» حالىقارالىق قاۋىمداستىعى مەن احالتەكە جىلقى ءوسىرۋ حالىقارالىق قاۋىمداستىعىن باسقارادى. ەكى ۇيىم دا پرەزيدەنت گۋربانگۋلى بەردىمۇحامەدوۆتىڭ باستاماسىمەن قۇرىلدى، ول ءوزىن جىلقىلار مەن يتتەردىڭ بىلگىرى رەتىندە سانايدى.
ءساۋىر ايىندا تۇركىمەنستان پرەزيدەنتى ۇلى سەردارعا ەڭبەگى سىڭگەن يت ءوسىرۋشى اتاعىن بەردى. سول ۋاقىتتا پرەزيدەنت بەردىمۇحامەدوۆتىڭ ۇلى اكەسىنىڭ ورنىنا جىلقى مەن تۇركىمەن الاباي كۇنىندەگى مەرەكەنى باسقاردى.
احالتەكە ايعىرىنىڭ اتادان بالاعا اۋىسۋى تۇركىمەن قوعامى بيلىكتىڭ ساباقتاستىعىندا قابىلداعان تاعى ءبىر سيمۆولدىق وقيعا بولدى. سەردار بەردىمۇحامەدوۆتىڭ قوعامدىق-ساياسي قىزمەتى 2016 جىلى باستالدى. سودان بەرى پرەزيدەنت سالتاناتتى جاعدايدا سپورتتىق مارافوندا بالاسىنا ەستافەتانى سيمۆوليكالىق تۇردە تاپسىرىپ، ونى «ميراس» اتتى تۇلپارمەن سەرۋەندەتتى. مەملەكەتتىك باسپا ءسوز بۇل وقيعالاردى «ۇرپاق ساباقتاستىعىنىڭ بەلگىسى» دەپ سيپاتتاپ، سەرداردى «حالىقتىڭ ۇلى» دەپ اتادى.
سەردار بەردىمۇحامەدوۆ بىرنەشە رەسمي قىزمەتتەردى اتقارادى. تۇرىكمەنستان پرەزيدەنتىنىڭ ۇلى - پرەمەر-مينيستردىڭ ورىنباسارى، باقىلاۋ پالاتاسىنىڭ باسشىسى جانە تۇرىكمەنستان سىرتقى ىستەر مينيسترلىگىنىڭ جوعارى لاۋازىمدى ادامى. وتكەن ايلاردا 39 جاستاعى سەردار بەردىمۇحامەدوۆ بىردەن بىرنەشە جاڭا قىزمەتكە ورنالاستى.