الماتى پوليسەيلەرى بىرەۋدىڭ كولىگىن ايداپ كەتكەن ازاماتتى شقو-دان ۇستادى

كۇدىكتى ازامات الماتىعا جەتكىزىلدى.

پوليسيا ماماندارى زاڭسىز بىرەۋدىڭ كولىگىن شىعىس قازاقستان وبلىسىنا ايداپ اكەتكەن ازاماتتى ۇستادى، دەپ حابارلايدى Almaty-akshamy.kz الماتى قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

پوليسيا مالىمەتى بويىنشا، المالى اۋدانىنىڭ تۇرعىنى پوليسياعا كولىكتىڭ جوعالىپ كەتكەندىگى تۋرالى ارىزبەن جۇگىنگەن. ارىزدانۋشىنىڭ ايتۋىنشا، ونىڭ «تويوتا سيۋرف» ماركالى كولىگى برۋسيلوۆسكيي كوشەسىندە ورنالاسقان ءۇيدىڭ تۇراعىنان جوعالىپ كەتكەن.

پوليسەيلەردىڭ ايتۋىنشا، جەدەل ىزدەستىرۋ ءىس-شارالارى بارىسىندا كولىك تابىلدى. ماماندار ونى 1989 جىلى تۋعان شىعىس قازاقستان وبلىسىنىڭ تۇرعىنى ا.ەسىمدى ازاماتتان تاركىلەپ الدى.

«ول وسكەمەنگە بوتەننىڭ كولىگىمەن كەتىپ قالعان، سول جەردە ۇرلانعان كولىكتى ساتۋدى جوسپارلاعان.  جەدەل ۋاكىلدەر تاعى ەكى سىبايلاسىن الماتىدا ۇستادى.  بۇل 37 جاستاعى ف. جانە ن.ەسىمدى ازاماتتار. تەرگەۋ بارىسىندا وتە قىزىقتى فاكت پايدا بولدى - كۇدىكتىلەردىڭ ءبىرى وسى تۇرعىن ءۇي كەشەنىندە كۇزەتشى بولىپ جۇمىس ىستەگەن جانە وزىنە ۇناعان كولىكتىڭ تۇراقتا بىرنەشە جىل بويى قوزعالىسسىز تۇرعانىن بىلگەن.  ول دوستارىن ۇرلاۋ ارقىلى قوسىمشا اقشا تابۋعا شاقىرعان.  ايعاقتى زاتتار الماتىعا اكەلىندى، كۇدىكتى دە وسىندا جەتكىزىلدى.   ايداپ اكەتۋ فاكتىسى بويىنشا المالى اۋداندىق پوليسيا باسقارماسى تەرگەۋ جۇرگىزىپ جاتىر»، – دەدى الماتى قالالىق پد كريمينالدىق پوليسيا باسقارماسىنىڭ باستىعى، پوليسيا پودپولكوۆنيگى قۋاتبەك ناۋاتوۆ.