مەملەكەت باسشىسى قازاقستاننىڭ حالىق ءارتىسى بولات ايۋحانوۆتىڭ وتباسى مەن تۋىستارىنا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz.
مەملەكەت باسشىسى كورنەكتى مادەنيەت قايراتكەرى، بالەت ءارتىسى، حورەوگراف، قازاقستاننىڭ حالىق ءارتىسى بولات ايۋحانوۆتىڭ قايتىس بولۋىنا بايلانىستى ونىڭ وتباسى مەن جاقىن تۋىستارىنا كوڭىل ايتتى.
– ەرەكشە شىعارماشىلىق دارىن يەسى، ونەر مايتالمانى بولات عازيز ۇلى وتاندىق مادەنيەت سالاسى مەن حورەوگرافيا ونەرىنىڭ دامۋىنا ولشەۋسىز ۇلەس قوستى. بۇگىندە قازاقستان رەسپۋبليكاسىنىڭ مەملەكەتتىك اكادەميالىق بي تەاترى رەتىندە تانىلعان كوركەمدىك ۇجىمنىڭ نەگىزىن قالاپ، وعان ۇزاق جىلدار بويى جەتەكشىلىك ەتتى. ونىڭ بالەت ونەرىندەگى تۋىندىلارى ەلىمىزدىڭ جانە شەتەل ساحنالارىندا قويىلدى. بولات عازيز ۇلى قاشاندا ادامگەرشىلىك جانە رۋحاني قۇندىلىقتاردان اينىماي، ونەرگە قىزمەت ەتتى، ءبىلىمى مەن تاجىريبەسىن جاس بۋىنعا ۇيرەتتى. بولات عازيز ۇلىنىڭ جارقىن بەينەسى جۇرەگىمىزدە ماڭگى ساقتالادى، – دەپ جازىلعان كوڭىل ايتۋ جەدەلحاتىندا.
ەسكە سالا كەتەيىك، بۇگىن قازاق بالەتىنىڭ اڭىزى، قازاقستاننىڭ حالىق ءارتيسى، بالەتمەيستەر، پەداگوگ بولات ايۋحانوۆ 84 جاسىندا ومىردەن وتكەن ەدى.