ماڭعىستاۋ – بالا تۋۋ كورسەتكىشى بويىنشا ءبىرىنشى ورىندا تۇرعان ءوڭىر.
مەملەكەت باسشىسى ماڭعىستاۋ جۇرتشىلىعىمەن وتكەن كەزدەسۋدە مۇنىڭ قۋانتارلىق جايت ەكەنىن اتاپ ءوتتى، دەپ حابارلايدى Almaty-akshamy.kz.
«سوندىقتان، دەموگرافيالىق ءوسىم بولعان جەردە مىندەتتى تۇردە ءتيىستى الەۋمەتتىك ينفراقۇرىلىم دا بولۋى قاجەت. سەبەبى، انا مەن بالا دەنساۋلىعىنىڭ مىقتى بولۋى – ەلدىڭ دامۋ كورسەتكىشتەرىنىڭ ءبىرى.
دەنساۋلىق ساقتاۋ جۇيەسى تالاپقا ساي بولۋى كەرەك. ساپالى مەديسينالىق قىزمەت وبلىستىڭ بارلىق تۇرعىندارىنا قولجەتىمدى بولۋعا ءتيىس. بيىل مەنىڭ تاپسىرماممەن مۇنايلى اۋدانىندا ورتالىق اۋرۋحانانىڭ قۇرىلىسى باستالدى. جەدەل جاردەم قىزمەتتەرىن، سانيتارلىق اۆتوكولىكتەردى قاجەتتى قۇرال-جابدىقپەن قامتاماسىز ەتۋ كەرەك. بارلىق اۋدانداردىڭ جەدەل جاردەم بولىمشەلەرى عيماراتقا جارىماي وتىر»، - دەدى مەملەكەت باسشىسى.
ول وبلىس ورتالىعىندا كوپبەيىندى اۋرۋحانا جانە جاڭا جەدەل جاردەم ستانسياسىن سالۋ ماسەلەسىن قاراستىرۋ قاجەت ەكەنىن جەتكىزدى. سودان سوڭ ۇكىمەتكە وسى ماسەلەلەردى پىسىقتاپ، شەشۋ ءۇشىن قارجى ءبولۋدى تاپسىردى.