مەكەمە ساۋناسى مەن وقشاۋلانعان 11 بولمەسى بار ءۇش قاباتتى ءزاۋلىم ۇيدە ورنالاسقان.
الماتى پوليسەيلەرى جەزوكشەلەر ءۇيىن انىقتادى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
«تۇنگى ساعات ون بىردە «جۇمىس ورنىندا» ەكى اكىمشى مەن جەڭىل ءجۇرىستى بەس قىز بولدى. سىرتتان كەلگەندەر ءۇشىن بۇل – ساۋىقتىرۋ ماسساجىن جاسايتىن ورىن، ال بىلەتىندەر ءۇشىن جەزوكشەلىكپەن اينالىساتىن جەزوكشەلەر ءۇيى. سول ءتۇنى ءبىزدىڭ بولىمشەنىڭ قىزمەتكەرلەرى ءىرى ءتۇ كەشەنىنىڭ بىرىندە تاعى ەكى جەزوكشەلەر ءۇيىن انىقتادى. ەكى پاتەردە 12 ايەل ەروتيكالىق قىزمەت كورسەتتى، ال ولاردىڭ قىزمەتىن اكىمشى باقىلاپ وتىردى. ايتا كەتەيىك، بۇل پاتەرلەر قالا تۇرعىنىنىڭ دابىلى بويىنشا انىقتالدى. ءتىپتى، ولاردىڭ بىرىندە قاتاڭ باقىلاۋدان وتكىزەتىن وققاعارى دا بولدى»، – دەيدى الماتى قالالىق پد ۇيىمداسقان قىلمىسقا قارسى كۇرەس باسقارماسىنىڭ باستىعى جانات نۇرعالييەۆ.
ءۇش دەرەك بويىنشا جەزوكشەلىكپەن اينالىسۋعا تۇرعىن ءۇيدى بەرگەن ءۇي-جايدىڭ يەلەرى انىقتالىپ، جاۋاپقا تارتىلدى. ءۇش جەزوكشەلەر ءۇيىنىڭ قىزمەتكەرلەرى مەن كليەنتتەرى جەكە باسىن تەكسەرۋ جانە شارا قولدانۋ ءۇشىن پوليسياعا جەتكىزىلدى.