بۇعان دەيىن الماتى مەن قونايەۆ قالالارى اراسىندا ارنايى ەلەكتر پويىزى جۇرەتىن.
پرەزيدەنت قاسىم-جومارت توقايەۆ بۇل باعىتتى قالپىنا كەلتىرۋدى ۇسىندى، دەپ حابارلايدى Almaty-akshamy.kz
مۇنداي شارا الماتى ماڭىنداعى كولىك كەپتەلىسىن ازايتادى.
توقايەۆتىڭ ايتۋىنشا، ءوڭىردىڭ كولىكتىك-لوگيستيكالىق الەۋەتىن ارتتىرۋ باستى باسىمدىقتاردىڭ ءبىرى بولىپ تابىلادى. ۇكىمەت اكىمدىكپەن بىرلەسىپ، ءوڭىردىڭ كولىك جەلىسىن جاقسارتۋ بويىنشا كەشەندى شارالار ازىرلەۋى كەرەك.
«جولاۋشىلار مەن جۇك تاسىمالىنىڭ مۇمكىندىكتەرىن كەڭەيتۋ ءۇشىن جاعداي جاساۋ قاجەت. اتاپ ايتقاندا، الماتى مەن قونايەۆ قالالارى اراسىنداعى جولمەن قاتار تەمىرجول جەلىسىن دامىتۋ قاجەت»، - دەدى قاسىم-جومارت توقايەۆ.
توقايەۆ مۇندا ءوڭىرارالىق كولىك دالىزدەرىن دامىتۋ ەرەكشە ماڭىزدى ەكەنىن اتاپ ءوتتى. جوبانىڭ ءساتتى جۇزەگە اسۋى اۋىل شارۋاشىلىعىنىڭ قارقىندى دامۋىنا سەپتىگىن تيگىزەدى.