الماتى قالالىق قوعامدىق دەنساۋلىق ساقتاۋ باسقارماسىنىڭ ەپيدەميولوگيالىق قاداعالاۋ ءبولىمىنىڭ باس ەپيدەميولوگى باقجانار مۇحامادييەۆانىڭ ايتۋىنشا، ۆيرۋستىق ينفەكسيالاردىڭ كوبەيگەنى بايقالادى. ءقازىردىڭ وزىندە 30 415 جرۆي جانە 3 تۇماۋ جۇقتىرۋ جاعدايى تىركەلدى، دەپ حابارلايدى almaty-akshamy.kz
بۇل تۋرالى 6 قىركۇيەكتەن بۇگىنگى كۇنگە دەيىنگى كەزەڭگە قاتىستى مالىمەتتەردى سپيكەر الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە ءمالىم ەتتى.
«ەگەر ەپيدەمياعا دەيىنگى ماۋسىمنىڭ باسىندا بالالار اراسىندا جۇقتىرۋ دەڭگەيى 65،2 پايىزدى (3876 جاعداي) قۇراسا، بۇگىندە ەرەسەك تۇرعىندار اراسىندا دا اۋرۋ دەڭگەيىنىڭ ارتۋى بايقالادى»، - دەدى ب.مۇحامادييەۆا.
وكق سپيكەرىنىڭ ايتۋىنشا، جەدەل رەسپيراتورلىق ينفەكسيالاردىڭ الدىن الۋ مەگاپوليستىڭ بارلىق دارىگەرلەرىنىڭ باسىمدىق بەرىپ وتىر. باقنازار مۇحامادييەۆا تۇماۋدىڭ الدىن الۋدىڭ ەڭ ءتيىمدى ءادىسى دەر كەزىندە ۆاكسيناسيا الۋ دەپ ەسەپتەيدى.
«جىل سايىن قازان-قاراشا ايلارىندا تۇماۋعا قارسى ۆاكسينانى تەك اعىمداعى جىلى شىعارىلعان ۆاكسينامەن الۋ قاجەت، ويتكەنى تۇماۋ ۆيرۋسى مۋتاسياعا جانە وزگەرۋگە قابىلەتتى. ۆاكسينانى العاننان كەيىن يممۋنيتەت 14 كۇننەن كەيىن قالىپتاسادى جانە ماۋسىم بويى 1 جىلعا دەيىن ساقتالادى »، - دەيدى قدسب وكىلى.
ايتا كەتەرلىگى، الماتىدا جەرگىلىكتى بيۋدجەت ەسەبىنەن، ياعني، قاتەرلى توپتاعى ادامدار تۇماۋعا قارسى ەكپەدەن وتەدى. ۆيرۋس جۇقتىرۋ ءقاۋپى جوعارى توپتاعى ادامداردى تۇماۋعا قارسى ەگۋ ناۋقانى 6 قىركۇيەكتە باستالدى.
قاتەرلى توپقا مەديسينا قىزمەتكەرلەرى؛ مەديسينالىق ۇيىمداردا ديسپانسەرلىك ەسەپتە تۇرعان بالالار؛ بالالار ۇيلەرىنىڭ، سابيلەر ۇيلەرىنىڭ، قارتتار ۇيلەرىنىڭ كونتينگەنتى؛ سونداي-اق ەپيدەميولوگيالىق كورسەتكىشتەرى بويىنشا 60 جاستان اسقان قارت ادامدار، جۇكتىلىكتىڭ 2 جانە 3 تريمەسترىندەگى جۇكتى ايەلدەر، سوزىلمالى اۋرۋلارى بار ادامدار، ينتەرنات تاربيەلەنۋشىلەرى كىرگەن.
ۆاكسيناسيانى جۇرگىزۋ ءۇشىن جەرگىلىكتى بيۋدجەتتەن رەسەيدە وندىرىلگەن 130 000 دوزا مولشەرىندە ءۇش ۆالەنتتى تۇماۋعا قارسى «گريپپول پليۋس» ۆاكسيناسىنىڭ ءبىرىنشى پارتياسى ساتىپ الىندى. سونداي-اق، 17 قازاندا قوسىمشا 80 000 دوزا مولشەرىندە «گريپپول پليۋس» ۆاكسيناسىنىڭ ەكىنشى پارتياسى ساتىپ الىندى. ناتيجەسىندە اعىمداعى ەپيدەمياعا دەيىنگى ماۋسىمدا ساتىپ الىنعان ۆاكسينانىڭ جالپى سانى 210 000 دوزانى قۇرادى، بۇل تەگىن ەگۋگە جاتاتىن ۆاكسيناسيالاۋعا جاتاتىن حالىقتىڭ سانى.
وكق سپيكەرى 6 مەديسينالىق ورتالىقتا («IMC» مو، «ۆاكسيناسيا كلينيكاسى»، «فارماكوم» ج ش س، «Medical Assistance Group» ج ش س، «سوس-قازاقستان» ج ش س، «Medical Assistance Group» ج ش س، «ينتەرتيچ» ج ش س، «اۆيسەننا» لدس) قازان ايىنان باستاپ حالىقتى اقىلى نەگىزدە ۆاكسيناسيا الۋعا بولاتىنىن اتاپ ءوتتى.
ەپيدەميولوگيالىق قاداعالاۋ ءبولىمىنىڭ باس ەپيدەميولوگى باقجانار مۇحامادييەۆا قالا تۇرعىندارىن جرۆي جانە تۇماۋعا قارسى الدىن الۋ شارالارىن ساقتاۋعا شاقىرادى:
جرۆي جانە تۇماۋمەن اۋىراتىن پاسيەنتتەرمەن بايلانىستا بولۋدان اۋلاق بولىڭىز، ەگەر جاناسۋدى بولدىرماۋ مۇمكىن بولماسا، بەتپەردە كيۋ كەرەك؛
پاسيەنت ۇجىمعا بارعان كەزدە قوعامدىق ورىنداردا، سونداي-اق، ۇيدە بەتپەردە كيۋ كەرەك؛
اۋرۋدىڭ بەلگىلەرى بولعان جاعدايدا مەديسينالىق كومەككە جۇگىنۋ كەرەك، ءوزىن-وزى ەمدەۋگە بولمايدى؛
تۇشكىرۋ جانە جوتەلۋ كەزىندە اۋىزدى قولمەن، مايلىقپەن جابۋ؛
قولدى مۇمكىندىگىنشە ءجيى جۋۋ؛
يممۋندىق جۇيەنى كوتەرۋ ءۇشىن س دارۋمەنىن كوبىرەك قولدانۋ؛
جرۆي جانە تۇماۋ جيىلىگىنىڭ جوعارىلاۋى كەزەڭىندە قوعامدىق ءىس-شارالارعا قاتىسۋدى ازايتۋ؛
اتا-انالاردان جرۆي جانە تۇماۋمەن اۋىرعان بالالاردى مەكتەپكە، مەكتەپكە دەيىنگى ءبىلىم بەرۋ مەكەمەلەرىنە جىبەرمەۋدى سۇرايدى.