ۇمىتكەرگە كانديدات كۋالىگىن تابىستادى.
ق ر ورتالىق سايلاۋ كوميسسياسى 20 قاراشادا كەزەكتەن تىس وتەتىن پرەزيدەنت سايلاۋىنا قاراقات ابدەندى كانديدات رەتىندە تىركەۋ جونىندە شەشىم قابىلدادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ورتالىق سايلاۋ كوميسسياسىنىڭ كۇن تارتىبىندە ءبىر عانا ماسەلە قارالدى.
«ورتالىق سايلاۋ كوميسسياسىنىڭ 11 قازانداعى قاۋلىسىمەن كانديداتۋرانىڭ زاڭ تالاپتارىنا سايكەس كەلەتىندىگى انىقتالدى. ۇمىتكەرگە ازاماتتاردىڭ قولدارىن جيناۋ ءۇشىن قول قويۋ پاراقتارى بەرىلدى. اۋماقتىق سايلاۋ كوميسسيالارىنىڭ حاتتامالارىنا سايكەس ق ر پرەزيدەنتتىگىنە كانديداتتى قولداعان ەلىمىزدىڭ 15 وڭىرىنەن 121 314 ازاماتتىڭ قولى جينالدى. ونىڭ ىشىندە 120 158 قول تەكسەرىلىپ، 118 418ء-ى سەنىمدى دەپ تانىلدى»،- دەدى ورتالىق سايلاۋ كوميسسياسىنىڭ مۇشەسى شاۆكات وتەمىسوۆ.
سونداي-اق، وسك مۇشەلەرى ۇمىتكەردىڭ كانديداتۋراسىن قابىلداۋ تۋرالى قاۋلىنى داۋىسقا سالدى. ناتيجەسىندە ءبىراۋىزدان وڭ شەشىم قابىلداندى.
«ورتالىق سايلاۋ كوميسسياسى 2020 جىلعى 20 قاراشاعا تاعايىندالعان كەزەكتەن تىس پرەزيدەنت سايلاۋىنا قاراقات جاقسىلىق قىزى ابدەندى كانديدات رەتىندە تىركەيدى»، - دەدى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ.
وتىرىس سوڭىندا وسك ءتوراعاسى ۇمىتكەرگە كانديدات كۋالىگىن تابىستادى.
ەسكە سالساق، 7 قازاندا «كاسىبي الەۋمەتتىك جۇمىسكەرلەر ۇلتتىق اليانسى» رەسپۋبليكالىق قوعامدىق بىرلەستىگى كەزەكتەن تىس پرەزيدەنت سايلاۋىنا قاراقات جاقسىلىق قىزى ابدەننىڭ كانديداتۋراسىن ۇسىنعان بولاتىن.
10 قازان كۇنى ق ر ورتالىق سايلاۋ كوميسسياسىندا قاراقات ابدەن مەملەكەتتىك ءتىلدى ءبىلۋ دەڭگەيى بويىنشا ەمتيحاندى ءساتتى تاپسىردى.
ال 11 قازاندا ورتالىق سايلاۋ كوميسسياسى قازاقستان پرەزيدەنتتىگىنە كانديدات قاراقات ابدەننىڭ بارلىق تالاپقا سايكەستىگى تۋرالى قاۋلى قابىلدادى.