ۇكىمەتتە الماتى تاۋ-كەن كلاستەرىن دامىتۋ جوسپارىن جاڭارتۋ جايى تالقىلاندى، - دەپ حابارلايدى Aqshamnews.kz.
پرەزيدەنت جولداۋىن جۇزەگە اسىرۋ شارالارى قارالعان ۇكىمەت وتىرىسىندا پرەمەر-مينيستر ولجاس بەكتەنوۆ تۋريستىك وبەكتىلەردە ينفراقۇرىلىمدى دامىتۋ جەرگىلىكتى اتقارۋشى ورگانداردىڭ تىكەلەي جاۋاپكەرشىلىگى ەكەنىن اتاپ ءوتتى. پرەمەر-مينيستر تەز ارادا الماتى تاۋ كلاستەرىن دامىتۋ جوسپارىن جاڭارتۋدى تاپسىردى.
«ۇلتتىق ەكونوميكا مينيسترلىگى تۋريزم جانە سپورت مينيسترلىگىمەن، الماتى قالاسىنىڭ اكىمدىگىمەن بىرلەسىپ، ءبىر اپتا مەرزىمدە الماتى تاۋ كلاستەرىن دامىتۋ جونىندەگى كەشەندى جوسپاردىڭ جوبالارىن اسا ماڭىزدى وبەكتىلەر جانە جالپىۇلتتىق ماڭىزى بار جوبالار دەپ تانۋى قاجەت. وسىدان كەيىن الماتى تاۋ كلاستەرىن دامىتۋدىڭ كەشەندى جوسپارى رەسپۋبليكالىق بيۋدجەت كوميسسياسىنىڭ قاراۋىنا ەنگىزىلسىن»،— دەپ اتاپ ءوتتى ولجاس بەكتەنوۆ.سونداي-اق، تۋريزم جانە سپورت مينيسترلىگىنە وڭىرلەرمەن بىرلەسىپ، وسى جىلدىڭ 1 قازانىنا دەيىن فۋتبول كلۋبتارىن جەكەشەلەندىرۋدىڭ جوسپار-كەستەسىن ازىرلەۋ تاپسىرىلدى.