ورمان ءتالىمباقتارىن قۇرۋ جانە رۇقسات ەتىلمەگەن قوقىس ۇيىندىلەرىن جويۋ جۇمىستارىن جانداندىرۋ: پرەمەر-مينيستر «تازا قازاقستان» اكسياسى اياسىندا ءبىرقاتار تاپسىرما بەردى، دەپ حابارلايدى aqshamnews.kz
پرەزيدەنتتىڭ باستاماسىمەن ىسكە قوسىلعان «تازا قازاقستان» ەكولوگيالىق اكسياسىن ىسكە اسىرۋ ماسەلەسى بويىنشا ۇكىمەت وتىرىسى اياسىندا پرەمەر-مينيستر ءبىرقاتار تاپسىرما بەردى:
- جەرگىلىكتى اتقارۋشى ورگاندار ءوز وڭىرلەرىندە ورمان پيتومنيكتەرىن قۇرىپ، اعاش كوشەتتەرىنىڭ جەرسىنىپ كەتۋىن قامتاماسىز ەتسىن؛
- اكىمدىكتەرگە تۇرمىستىق قالدىقتاردى وڭدەيتىن جاڭا پوليگوندار مەن زاۋىتتار اشىپ، رۇقسات ەتىلمەگەن قوقىس ۇيىندىلەرىن جويۋ جانە الدىن الۋ جۇمىستارىن ۋاقتىلى جۇرگىزۋ مىندەتى قويىلدى؛
- ەكولوگيا جانە تابيعي رەسۋرستار، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرىنە ستيحيالىق قوقىس ورىندارىن انىقتاۋ ءۇشىن ەلىمىزدىڭ اۋماقتارىن عارىشتىق باقىلاۋمەن قامتۋدى جانە مەرزىمدى تەكسەرۋدى ۇلعايتۋ تاپسىرىلدى؛
مادەنيەت جانە اقپارات، وقۋ-اعارتۋ، عىلىم جانە جوعارى ءبىلىم مينيسترلىكتەرى قورشاعان ورتانى ساقتاۋ جانە حالىقتىڭ ەكولوگيالىق مادەنيەتىن ارتتىرۋ سالاسىنداعى تاربيەلىك جانە ءتۇسىندىرۋ جۇمىستارىن كۇشەيتسىن.