ءاليحان سمايىلوۆ اۋىز سۋعا قاتىستى ءبىرقاتار ماسەلەلەردى اتادى.
اقمولا وبلىسى سۋ تازارتۋ قۇرىلىستارىن 10 جىلدان بەرى اياقتاي الماي كەلەدى. پرەمەر-مينيستر ءاليحان سمايىلوۆ ۇكىمەت وتىرىسىندا وسىنداي مالىمەت ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كەي وڭىرلەردە سۋ تازارتۋ قۇرىلىستارىن سالۋ جۇمىستارى سوزىلىپ كەتتى. اقمولا وبلىسىندا بۇل جۇمىس 10 جىلدان بەرى بىتپەي كەلەدى. ىزدەستىرۋ-بارلاۋ جۇمىستارى دا ۋاقىتىندا باستالعان جوق. قاراعاندى وبلىسىندا كونكۋرستىق راسىمدەر ەندى عانا وتكىزىلىپ جاتىر. «ساقالدى» قۇرىلىسقا اينالعان اۋىز سۋ جوبالارىن اياقتاۋ ىسىندە دە شيكىلىك كوپ»، - دەگەن ءاليحان سمايىلوۆ بىرنەشە مىسال كەلتىردى.
«مۇنىڭ ايقىن مىسالى رەتىندە ۇلىتاۋ وبلىسىنداعى ەسقۇلا سۋ قۇبىرىن، قىزىلوردا وبلىسىنداعى تالاپ سۋ قۇبىرىن، سولتۇستىك قازاقستان وبلىسىنداعى پرەسنوۆ سۋ قۇبىرى مەن سوكولوۆ سۋ قۇبىرىنىڭ 2ء-شى كەزەڭىن ايتۋعا بولادى. سونىڭ كەسىرىنەن 220 مىڭعا جۋىق ادام ساپالى سۋعا قول جەتكىزە الماي وتىر»، - دەدى ۇكىمەت باسشىسى.