الماتىدا باتۋتتاعى گيمناستيكادان ەل ۇزدىكتەرى انىقتالدى

الماتىدا باتۋتتاعى گيمناستيكادان كەزەكتى، ياعني، 6-شى قازاقستان سپارتكياداسى مارەسىنە جەتتى.

ءتورت جىلدا ءبىر وتەتىن بايراقتى باسەكەگە 9 ايماقتان 120-عا جۋىق قاتىسۋشى جينالدى. ولار بىرنەشە كۇن بويى جەكەلەي، جۇپتىق جانە كوماندالىق سىنداردا ءوزارا مىقتىنى انىقتادى، دەپ حابارلايدى Almaty-akshamy.kz 24.kz-كە سىلتەمە جاساپ. 

ناتيجەسىندە اكروباتيكالىق جولاقتا سەكىرۋدە ۆيتاليا سموتريكوۆا مەن زۋحريددين يماموۆ، باتۋتتا سەكىرۋدە ۆيكتوريا بۋتولينا مەن دانيل مۇسابايەۆ، ال، قوس مينيترامپتا ەكاتەرينا حوحلوۆا مەن يگور گراچيەۆ جەڭىمپاز اتاندى. جالپى ەسەپتە قاراعاندى وبلىسىنىڭ قۇراماسى توپ جاردى. ۇزدىك ۇشتىكتى شىمكەنت قالاسى مەن پاۆلودار وبلىسىنىڭ وكىلدەرى تۇيىندەدى. جارىس قورىتىندىسى بويىنشا جەڭىسكە جەتكەن سپورتشىلارعا رەيتينگتىك ۇپاۆي بەرىلەدى. بۇعان قوسا وسى قىز-جىگىتتەردەن ۇلتتىق قۇراما جاسقاتالىپ، الداعى حالىقارالىق جارىستارعا دايىندىقتى باستايدى.

«ەل سپارتاكياداسى ايماقتاردان جينالعان سپورتشىلاردىڭ شەبەرلىگىن شىڭداۋعا كومەكتەستى. ال قۇراماداعى كاسىپقوي سپورتشىلار ءۇشىن بابىن جوعالتپاي، تاجىريبەسىن جەتىلدىرۋگە كەرەمەت مۇمكىندىك بەردى. بارلىق سپورتشىنىڭ قارىم-قابىلەتىن تىڭعىلىقتى باقىلادىق. وتە جاقسى كورسەتكىشتەر تىركەلدى. لايىقتى ءىزباسارلار ءوسىپ كەلەدى»، - دەيدى ۇلتتىق قۇرامانىڭ باس باپكەرى سەرگەي ۆەرتيانكين.