اكىمدىكتەر شۇعىل تۇردە بارلىق كەمشىلىكتى جويۋى كەرەك.
ۇكىمەت وتىرىسىندا مينيسترلەر مەن اكىمدەرگە قابىرعاسى ۇگىتىلىپ جاتقان ۇيلەر مەن ساپاسىز جولداردىڭ سۋرەتى كورسەتىلدى، دەپ حابارلايدى Almaty-akshamy.kz
وتىرىستا تۇرعىن ۇي-كوممۋنالدىق ينفراقۇرىلىمدى دامىتۋ ماسەلەسى قارالدى.
ءمينيستردىڭ بايانداماسىنان كەيىن ۇكىمەت باسشىسى ءسوز الدى. ال ەكراندا مەملەكەتتىك باعدارلاما بويىنشا سالىنعان ۇيلەردىڭ سۋرەتى كورسەتىلدى.
"مەملەكەتتىك باعدارلاما بويىنشا سالىنعان تۇرعىن ۇيلەردىڭ ماسەلەسىنە جەكە توقتالعىم كەلەدى. مەملەكەت تۇرعىن ءۇي قۇرىلىسىنا ۇلكەن قارجى ءبولىپ وتىر. سوعان قاراماستان، ونىڭ ساپاسىنا قاتىستى شاعىم وتە كوپ. اۋلالاردىڭ فوتوسىن كورىڭىزدەر. مۇنداي ۇيلەردىڭ قاي وڭىردە سالىنعانىن ايتپاي-اق قويايىن، ءبىراق بارلىق جەردە وسىنداي كورىنىس. ونى وزدەرىڭىز بىلەسىزدەر. بالالاردىڭ ويىن الاڭىنا قاراڭىزدار، جولداردىڭ جاعدايى قانداي. بۇل نە؟ قالىپتى نورماعا اينالعان با؟"، - دەدى سمايىلوۆ.