پوشتاشىلاردىڭ جالاقىسى نەگە تومەن؟

ءقازىر قازپوشتا 20 مىڭ ادامدى جۇمىسپەن قامتاماسىز ەتىپ وتىر. 

قازپوشتا باسشىسى اسەل جاناسوۆا پوشتاشىلاردىڭ جالاقىسىنا قاتىستى تۇسىنىكتەمە بەردى، دەپ حابارلايدى aqshamnews.kz

“ءيا، شىنى كەرەك، بىزدە اۋىلدىق جەردە وپەراتورلار مەن پوشتاشىلار از جالاقى الادى. نەگە دەسەڭىز، سەبەبى سالەمدەمەلەر، حاتتار مەن گازەتتەر از كەلەدى. سوندىقتان ماماندارىمىز 0،2-0،7 ستاۆكامەن جۇمىس ىستەيدى. ءبىز ەكى جىلدا جالاقىنى 25 پروسەنتكە كوتەردىك، بيىل تاعى 15 پروسەنتكە ارتتىردىق. بۇدان بولەك، جىلىنا ءۇش رەت بارلىق قىزمەتكەرگە سىياقى بەرىلەدى. تابىسىمىز ارتسا، ءبىز الدىمەن جالاقىنى كوتەرەمىز”،-دەدى جاناسوۆا بۇگىن ءماجىلىستىڭ جالپى وتىرىسىندا.

ونىڭ ايتۋىنشا، بۇگىندە پوشتا بولىمشەلەرىن اشۋعا دا ءبىراز اقشا كەرەك. سول سەبەپتى بولىمشەلەر اكىمدىك عيماراتتارىندا جانە دۇكەندەردە اشىلىپ وتىر. سونىڭ ارقاسىندا اۋىلداردا پوشتا قىزمەتى توقتاعان جوق. قازىرگى كەزدە جىلجىمالى پوشتا بولىمشەلەرى دە بار.

“مىسالى، اۋىلداعى پوشتا بولىمشەلەرىنىڭ ءبارىن جوندەپ شىعۋ ءۇشىن 14 ملرد تەڭگە قاجەت. ەكى جىلدا 2 ملرد تەڭگە بولدىك. وسى اقشاعا 244 بولىمشە جوندەلدى”، - دەپ اتاپ كورسەتتى جاناسوۆا.