الماتىدا تاعى دا قايعىلى جاعداي ورىن الدى. الماتىدا جارناما ىلەتىن 26 جاستاعى الپينيست 12-قاباتتان 2-قاباتتىڭ بالكونىنا قۇلاپ، وقيعا ورنىندا كوز جۇمدى.
وقىس وقيعا 3 جەلتوقسان كۇنى تۇستەن كەيىن بولدى. «ددك-ەكستريم گرۋپپ» جك ونەركاسىپتىك ءالپينيسى تولە بي كوشەسىندەگى 16 قاباتتى «Assem Plaza» تۇرعىن ءۇي كەشەنىنىڭ قاسبەتىنە جارنامالىق باننەر ورناتقان، دەپ حابارلايدى aqshamnews.kz.
وقيعاعا قاتىستى پوليسيا دەپارتامەنتى تۇسىنىكتەمە بەردى.
«المالى اۋداندىق پب-عا قاراستى پوليسيا ءبولىمى 27 جاستاعى جىگىتتىڭ ولىمىنە اكەپ سوقتىرعان ەڭبەك قاۋىپسىزدىگى ەرەجەلەرىن بۇزۋ دەرەگى بويىنشا قىلمىستىق ءىس قوزعادى. وقيعانىڭ باسقا دا ءمان-جايلارىن انىقتاۋعا باعىتتالعان تەرگەۋ شارالارى كەشەنى جۇرگىزىلىپ جاتىر»، - دەلىنگەن حابارلامادا.
ەسكە سالا كەتەيىك، بىرەر كۇن بۇرىن الماتىدا قويمالاردىڭ بىرىندە دانەكەرلەۋ جۇمىستارىن جۇرگىزۋ كەزىندە وقىس جاعداي بولىپ، جۇمىسشى قايتىس بولعان ەدى. قاۋىپسىزدىكتى ساقتاڭىزدار!