يراك ميگرانتتارى مىنگەن ۇشاق باعداتقا قوندى
يراك بيلىگى دە شەكارادا تۇرىپ قالعان وتانداستارىن ەلگە قايتۋعا شاقىردى، دەپ حابارلايدى Almaty-akshamy.kz.
«حابار 24» تەلەاراناسىنىڭ مالىمەتىنشە، ولارعا ۇكىمەت تاراپىنان بارىنشا كومەك كورسەتىلەدى دەپ ۋادە بەرىلگەن.
«كەز كەلگەن مەملەكەت ءوز اۋماعىنا زاڭسىز كەلگەندەردى قۇشاق جايا قارسى المايتىنى انىق. شەكارادا جينالعان وتانداستارىمىز قيىن جاعدايعا تاپ بولدى. كۇننىڭ سۋىتۋى دا گۋمانيتارلىق داعدارىستى ۋشىقتىرىپ تۇر. سوندىقتان حالىق ەرىكتى تۇردە ەلگە قايتۋى كەرەك. يراكتىڭ سىرتقى ىستەر مينيسترلىگى كومەكتەسەدى. ازاماتتارىمىزعا بەلارۋس ەلىنە ۆيزا بەرىلمەۋ ءۇشىن باعدادتاعى بەلارۋس ەلشىسىنىڭ جۇمىسىن ۋاقىتشا توقتاتتىق»،-دەيدى يراكتىڭ سىرتقى ىستەر مينيسترلىگىنىڭ رەسمي وكىلى احمەد ال-ساححاف.
ال كوپ ۇزاماي يراك ميگرانتتارى مىنگەن ۇشاق باعداتقا قوندى. اۋە كەمەسىندە 430 بوسقىن بولعان. ولار ورماندا اش-جالاڭاش ءجۇرىپ، سۋىققا شىداماي، ەلگە قايتقاندارىن ايتادى