جاپونيادا كوروناۆيرۋستىڭ تارالۋى تومەندەدى
جاپونيادا ۆيرۋستىڭ دەلتا-شتامم نۇسقاسى وزدىگىنەن جويىلۋ سەبەپتى كوروناۆيرۋستىڭ تارالۋى تومەندەدى. بۇل تۋرالى ەلدىڭ گەنەتيكا ۇلتتىق ينستيتۋتىنىڭ پروفەسسورى يتۋرو ينوۋە Japan Times باسىلىمىنا بەرگەن سۇحباتىندا ايتتى، دەپ حابارلايدى Almaty-akshamy.kz.
ونىڭ پايىمداۋىنشا، تۇراقتى تۇردە مۋتاسياعا ۇشىراپ وتىرعان ۆيرۋس دەلتا-شتامدى «بۇزعان» جانە سول سەبەپتى ول نۇسقا وزدىگىنەن جويىلىپ بارادى.
پروفەسسور سونداي-اق جاپونيادا اۋرۋدىڭ تارالۋىنا جاپپاي ۆاكسينا الۋ مەن ينفەكسيادان قورعانۋ شارالارى دا اسەر ەتكەنىن مالىمدەدى.
بۇعان دەيىن ەلدە ءۇش اي بويى كوروناۆيرۋستىڭ تارالۋى رەكوردتىق كورسەتكىشكە دەيىن جەتىپ، تاۋلىگىنە 26 مىڭ ادامنان ۆيرۋس انىقتالعان بولاتىن. قازىرگى تاڭدا كۇنىنە انىقتالعان ۆيرۋستىق جاعداي 200-گە جەتەر-جەتپەس قانا.