پرەزيدەنت اگروونەركاسىپ ەڭبەككەرلەرىن كاسىبي مەرەكەسىمەن قۇتتىقتادى

قاراشانىڭ ءۇشىنشى جەكسەنبىسى اۋىل شارۋاشىلىعى، تاماق جانە وڭدەۋ ونەركاسىبى قىزمەتكەرلەرى كۇنى

ق ر پرەزيدەنت قاسىم-جومارت توقايەۆ اگروونەركاسىپ كەشەنى ەڭبەككەرلەرىن كاسىبي مەرەكەسىمەن قۇتتىقتادى، دەپ حابارلايدى Almaty-akshamy.kz.

«اگروونەركاسىپ كەشەنى ەڭبەككەرلەرىن كاسىبي مەرەكەسىمەن قۇتتىقتايمىن! بۇل – قازاقستاننىڭ ەكونوميكاسى ءۇشىن ستراتەگيالىق ماڭىزى بار سالا. اۋىل شارۋاشىلىعىنا وزىق تەحنولوگيالاردى ەنگىزىپ، سەكتوردىڭ باسەكەگە قابىلەتتىلىگىن ارتتىرۋ – مەملەكەتتىڭ باستى مىندەتى»، - دەپ جازدى پرەزيدەنت Twitter -دەگى پاراقشاسىندا.

ەسكە سالا كەتسەك، قاراشانىڭ ءۇشىنشى جەكسەنبىسىندە اۋىل شارۋاشىلىعى، تاماق جانە وڭدەۋ ونەركاسىبى قىزمەتكەرلەرى كۇنى اتالىپ وتەدى.
اۋىلشارۋاشىلىق سالاسى قىزمەتكەرلەرىنىڭ كاسىبي مەرەكەسىن اتاپ ءوتۋ ءداستۇرى كەڭەس زامانىنان بەرى ساقتالعان. 1988 جىلى كسرو جوعارعى كەڭەسى پرەزيدۋمىنىڭ جارلىعىمەن قاراشانىڭ ءۇشىنشى جەكسەنبىسى اۋىل شارۋاشىلىعى جانە وڭدەۋ ونەركاسىبى قىزمەتكەرلەرى كۇنى دەپ بەكىتىلگەن.

تاۋەلسىز قازاقستان ءداستۇردى ساقتاپ، 1998 جىلى مەرەكەنى اتاپ ءوتۋ داتاسىن زاڭنامالىق دەڭگەيدە قاراشانىڭ ءۇشىنشى جەكسەنبىسىنە بەكىتكەن. كاسىبي مەرەكەنى قازاقستاندىقتارمەن بىرگە ۋكراينا جانە بەلارۋس ەلدەرىنىڭ اۋىلشارۋاشىلىق قىزمەتكەرلەرى دە اتاپ وتۋدە.